Barselona Ademola Lukmanni transfer qilishni ko‘zlamoqda

Ispaniyaning «Barselona» klubi yangi qanot himoyachisini qidirmoqda. Bu haqida Euro-football.ru xabar berdi.

Klub uchun «Atletik» jamoasidan Niko Uilyams transferi amalga oshmadi, shuningdek, «Liverpul» futbolchisi Luis Dias bilan muzokaralarda qiyinchiliklar yuzaga keldi. La Liga chempioni kolumbiyalik futbolchining yuqori bozor narxi sababli uni sotib olishdan bosh tortmoqda.

Sport.es nashrining xabariga ko‘ra, «Barselona» yangi maqsad sifatida Italiya chempionatida «Atalanta» jamoasi sharafini himoya qilayotgan Nigeriyalik futbolchi Ademola Lukmanni ko‘zlamoqda. Bergamoliklar futbolchini faqat 50 million yevro yoki undan yuqori narxda sotishga tayyor.

O‘tgan mavsumda 27 yoshli afrikalik futbolchi 40 uchrashuvda maydonga tushib, 20 ta gol urdi va 7 ta golga uzatma berdi. Ushbu ko‘rsatkichlar uning jamoaga katta foyda keltirayotganini ko‘rsatadi.

«Barselona» ushbu futbolchini jamoaga qo‘shib, hujum chizig‘ini kuchaytirishni maqsad qilgan. Klub rahbariyati transfer bo‘yicha muzokaralarni davom ettirmoqda.