Bavariya Luis Dias uchun 52 million taklif qildi

Bavariya klubi hujumchi Luis Diasni sotib olishni rejalashtirmoqda. Bu haqida Euro-football.ru xabar berdi.

Sport Bild nashrining xabar berishicha, Myunxenning yirik jamoasi Luis Dias uchun Liverpulga 52 million yevro taklif qilgan. Shunga qaramay, bu summa Liverpulning talab qilayotgan 80 million yevrosidan ancha kam hisoblanadi.

Ma’lumotlarga ko‘ra, 28 yoshli Luis Dias Liverpul bilan shaxsiy kelishuvga ega bo‘lib, agar 80 million yevro to‘lansa, yozgi transfer oynasida klubdan ketishiga ruxsat beriladi. Shu bilan birga, Bavariya klubining kolumbiyalik futbolchaga 60 million yevrodan ortiq mablag‘ ajratishga tayyor emasligi aytilmoqda.

Luis Dias Liverpul safida 148 ta rasmiy o‘yinda maydonga tushib, 41 ta gol urgan va 23 ta golli uzatma bergan. Ushbu transfer muzokaralari joriy yozda davom etishi kutilmoqda.

Bavariya jamoasi o‘z tarkibini kuchaytirish maqsadida faol harakat qilmoqda.