Galatasaray Osimhenga 75 million yevro taklif qildi

Turkiyaning «Galatasaray» klubi hujumchi Viktor Osimhenga o‘tish bo‘yicha Napoli klubi bilan muzokaralarni davom ettirmoqda. Bu haqida Euro-football.ru xabar berdi.

Oldinroq turk jamoasi 26 yoshli futbolchi uchun taxminan 70 million yevro taklif qilgan, biroq rad javobini olgan edi. So‘nggi ma’lumotlarga ko‘ra, «Galatasaray» taklifini oshirib, 75 million yevro miqdorida taklif qilmoqda.

Shundan 40 million yevro darhol to‘lanishi, qolgan 35 million yevro esa to‘lovlar bo‘yicha bo‘lib-bo‘lib berilishi rejalashtirilgan. Yaqin kunlarda Napoli klubi rasmiy javobini bildiradi.

Viktor Osimhen o‘zi ham «Galatasaray»ga o‘tishni istayotgani ko‘p marta ma’lum qilingan. U o‘tgan mavsumni ushbu klubda ijarada o‘tkazgan.

Shuningdek, Osimhenga Saudiya Arabistonining «Al-Hilol» klubi ham qiziqish bildirgan edi. Hozirda tomonlar o‘rtasida muzokaralar davom etmoqda va kelishuvga erishish uchun harakatlar olib borilmoqda.

Futbolchining yangi jamoasida faoliyatini davom ettirish borasidagi qarori yaqin kunlarda aniq bo‘lishi kutilmoqda.