Sobiq «Tottenhem» jamoasi himoyachisi Kayl Uoker-Piters yaqinda «shporlar» tarkibiga qaytishi mumkinligi haqida xabarlar tarqalgan edi. Bu haqida Euro-football.ru xabar berdi.
Hozirda esa turk «Beshiktosh» klubi uning xizmatiga qiziqish bildirmoqda. Bu haqda TBR Football manbasi ma’lumot berdi.
Hozirda 28 yoshli futbolchi erkin agent hisoblanadi. U «Sautgempton» jamoasida o‘ynab, kuzatuvchilar tomonidan ijobiy baholangan.
«Beshiktosh» vakillari allaqachon Uoker-Piters bilan bog‘langan. Turk klubi unga barqaror o‘yin amaliyoti va yuqori maosh taklif qilishi mumkin.
«Tottenhem»da esa Uoker-Pitersga bunday kafolatlar yo‘q va u Pedro Porro bilan raqobatda ortda qolishi ehtimoli mavjud. O‘tgan mavsumda futbolchi barcha musobaqalarda jami 35 o‘yin o‘tkazdi, 5 ta sariq kartochka oldi va 2 ta samarali uzatma amalga oshirdi.
Uning bozor qiymati taxminan 15 million yevroga baholanmoqda.
