Moskva markaziy armiyasi jamoasi futbolchisi Abbosbek Fayzullaev Istanbulning Superliga klubi Istanbul Boshakshehirga o‘tishga yaqin turibdi. Bu haqida Euro-football.ru xabar berdi.
Telegramdagi “Birinchi sport” kanali ma’lumotlariga ko‘ra, O‘zbekiston futbolchisi Istanbul jamoasiga 7,5 million yevro va bonuslar evaziga sotilishi mumkin. Hozirda turk klubi bilan Moskva jamoasi o‘rtasida faol muzokaralar olib borilmoqda va ular futbolchi uchun to‘liq summani birdan to‘lashga tayyor.
Eslatib o‘tish joizki, Abbosbek Fayzullaev ikki yil oldin Toshkentning “Paxtakor” klubidan faqat 500 ming yevro evaziga CSKAga kelgan edi. Uning Moskva jamoasi bilan amaldagi shartnomasi kelasi yozda yakunlanadi.
O‘zbekiston milliy terma jamoasi a’zosi bo‘lgan futbolchi o‘tgan mavsumda CSKA safida 39 o‘yinda maydonga tushib, 3 ta gol urdi va 8 ta golli pas berdi.
