Argentina milliy terma jamoasi futbolchilari Lionel Messi va Rodrigo de Paul yaqin orada bir klub sharafini himoya qiladilar. Bu haqida Euro-football.ru xabar berdi.
Ijtimoiy tarmoqlarda taniqli manba Fabrizio Romano ma'lum qilishicha, "Atletiko" klubi "Inter Mayami" taklifini qabul qilgan. Klub va futbolchi o‘rtasidagi kelishuv deyarli yakunlangan.
Hozirda de Paul bilan tuziladigan shartnomaning so‘nggi tafsilotlari muhokama qilinmoqda. 31 yoshli yarim himoyachi yaqin kunlarda to‘rt yilga mo‘ljallangan mehnat shartnomasiga imzo qo‘yadi.
Eslatib o‘tamiz, Rodrigo de Paul Argentina terma jamoasi safida jahon chempionati va ikki marta Amerika Kubogini qo‘lga kiritgan. Uning yangi klubi bilan shartnomasi futbolchining faoliyatida yangi bosqich bo‘lib, jamoaning muvaffaqiyatlariga hissa qo‘shishi kutilmoqda.
