Real jamoasi iste’dodli yarimhimoyachini xarid qilishni rejalashtirgan, ammo kelishuv amalga oshmadi. Bu haqida Euro-football.ru xabar berdi.
Abdella Uazan bahorda o‘tkazilgan Afrika yoshlar kubogidagi chiqishi bilan katta taassurot qoldirdi. 16 yoshli futbolchi Realga erkin agent sifatida o‘tishi mumkin edi, lekin muzokaralar muvaffaqiyatsiz yakunlandi.
Madridliklar futbolchining tibbiy ko‘rik natijalarini ko‘rib chiqib, Uazanni xarid qilishdan voz kechishdi, deb Defensa Central xabar beradi. So‘nggi yillarda Abdella Uazan Ajax yoshlar jamoalarida faoliyat yuritdi.
O‘tgan oy uning Amsterdam klubi bilan shartnomasi muddati tugadi. Endilikda marokashlik futbolchi boshqa jamoalar bilan kelajak variantlarini o‘rganmoqda.
Uning faoliyatidagi keyingi qadamlar qaysi klub bilan bog‘liq bo‘lishi hozircha noma’lum. Futbolchi uchun yangi imkoniyatlar ochilishi kutilmoqda.
