Erling Xoland uzoq vaqtdan beri Italiyani juda yaxshi ko‘rishini yashirmaydi va hozirda ta'tilini aynan ushbu mamlakatda o‘tkazmoqda. Bu haqida Euro-football.ru xabar berdi.
Bu safar Xoland Italiya poytaxti Rim shahriga tashrif buyurishga qaror qildi. Uning ijtimoiy tarmoqlardagi postlari bunga dalolat beradi.
Erling bilan birga Italiya go‘zalliklaridan uning kelini Izabel Xaugsend ham bahramand bo‘lmoqda. Norvegiyalik hujumchi Rimning mashhur diqqatga sazovor joylarini, jumladan «Trevi» favvorasini ham ziyorat qildi.
Xoland o‘zining yozgi ta’tilidan katta zavq olayotganini ta’kidladi va Rimni dunyodagi eng chiroyli shaharlar qatoriga kiritdi. U Italiya taomlarini juda yoqtirishini, bu yoz davomida ulardan bahramand bo‘layotganini aytdi.
Erling Xoland 2022 yildan beri Angliyaning «Manchester Siti» jamoasi sharafini himoya qilib kelmoqda. Uning Italiyaga bo‘lgan muhabbati va shu yerda o‘tkazayotgan dam olishlari muxlislar orasida katta qiziqish uyg‘otmoqda.
👍 0❤️ 0😂 0😢 0😡 0
