Nasaf - so'nggi yangiliklar

Superliga 12-turidan o‘rin olgan markaziy bahs — "Nasaf" va "Navbahor" jamoalari o‘rtasidagi o‘yin haqiqiy prinsipial va shiddatli to‘qnashuv sifatida yodda qoldi. Qarshiliklar stadionida o‘tgan ushbu uchrashuvda "Nasaf" jamoasi penaltidan urilgan yagona gol evaziga g‘alabani ilib ketdi. Uchrashuvdan so‘ng mehmonlar bosh murabbiyi Sergey Lushchan matbuot anjumanida ishtirok etib, o‘yin borasida o‘ziga xos fikrlarini bildirib o‘tdi. "Nasaf"ni g‘alaba bilan tabriklayman, — deya so‘z boshladi Lushchan. — O‘yin juda qiyin o‘tdi. Ikki teng kuchli jamoa o‘rtasida kurash kuzatildi, har bir daqiqada kurash va intilish baland bo‘ldi. Birinchi bo‘limda jamoamiz a’zolarida to‘liq imkoniyat — yuz foizlik vaziyat paydo bo‘ldi, afsuski, uni golga aylantira olmadik. Futbolda bunday imkoniyatlardan foydalanish juda muhim." Tajribali mutaxassisning fikricha, aynan raqib tomon penaltidan foydalangani natijani hal qildi: "Nasaf" jamoasi esa penaltidan aniq zarba bilan hisobni ochdi. Ushbu gol uchrashuvdagi eng asosiy nuqta bo‘ldi. Boshqa barcha harakatlarimiz va strategiyalarimiz golgacha davom etdi. Futbolda bir xatoga butun natija bog‘liq bo‘lib qolishi hech kimga sir emas. Buni bugun yana bir bor ko‘rdik", — deya qayd etdi Lushchan. "Navbahor" o‘yinni yo‘qotishga qaramay, Lushchan o‘z shogirdlarining harakati, ruhiyati va kurashuvchanligiga alohida e’tibor qaratdi. "Yoshlarimizning professional yondashuvi, keyingi turlarda g‘alabali seriyani qaytarishga intilishlari uchun asos bo‘ladi. Har bir o‘yin yangi tajriba va o‘rganishlar sabog‘i. Biz tayyorgarlikni davom ettiramiz va oldimizga qo‘yilgan maqsadlar sari intilamiz", — dedi bosh murabbiy. Qayd etish joiz, "Navbahor" mavsum davomida o‘z raqiblariga qarshi har doim kuchli kurash ko‘rsatib kelmoqda. "Nasaf" esa ushbu g‘alaba orqali turnir jadvalidagi holatini yanada mustahkamladi va muxlislarini quvontirishda davom etyapti.

Superliga 12-turi doirasida bo‘lib o‘tgan “Nasaf” – “Navbahor” uchrashuvi yana bir bor o‘z ahamiyati va keskin tusi bilan muxlislar e’tiborida bo‘ldi. Qarshi shahridagi stadionda o‘tgan ushbu duelda yagona gol bilan g‘alaba qozongan mezbonlar ustozi Ro‘ziqul Berdiyev uchrashuvdan so‘ng matbuot anjumanida muhim bayonotlar berdi. Uning so‘zlarida nafaqat jamoa taktikasi, balki o‘yindagi shaxsiy yondashuv, futbolchilarning jismoniy holati va ruhiy tayyorgarlik masalalari ham yoritib o‘tildi. Muhim uch ochko va taktik yengish “Avvalo, bu g‘alabani jamoamiz va muxlislarimizga bag‘ishlayman”, — deb boshladi Berdiyev. “Biz juda jiddiy raqibga qarshi to‘p surdik. “Navbahor” o‘yin oldidan yaxshi tayyorgarlik ko‘rgani sezilib turdi va ular amalda juda kuchli va intizomli himoyani namoyish etishdi. Bugungi o‘yinda to‘p bilan ko‘p harakat qilishga imkon bo‘lmadi. Ammo biz ularni himoyada xato qilishga majbur qildik va bu orqali hal qiluvchi golni urdik. Shunday tekislikda o‘tgan uchrashuvda uch ochko olish – katta yutuq”. Havo sharoiti va o‘yin sur’ati Berdiyev ayni paytdagi havo sharoiti o‘yin sifatiga ta’sir qilganini yashirmadi. “Tabiiyki, issiq havo futbolchilar harakatini pasaytiradi. Shuning uchun tezlik yuqori bo‘lmadi. Bu kabi o‘yinlarda natija birinchi o‘rinda turadi”, – dedi murabbiy. Uning ta’kidlashicha, jamoa taktik tartibga amal qilgan holda, imkoniyatlarni kutgan va ulardan unumli foydalangan. Xebay nega asosiy tarkibda emas? Jurnalistlar Berdiyevdan Rubin Xebayning nega zaxirada qolganini so‘rashdi. “Bu to‘liq sport formasiga bog‘liq. Husayn Norchayev ayni vaqtda yuqori sport holatida. U gol urmagan bo‘lishi mumkin, ammo jamoa uchun ko‘p mehnat qildi. Xebay zaxiradan maydonga tushib, yaxshi harakat qildi. Agar u urgan zarba gol bo‘lganida, bu turning eng zo‘r gollaridan biri bo‘lishi aniq edi”, – dedi murabbiy. Terma jamoadan qaytganlar holati Terma jamoa safidan qaytgan futbolchilar haqida so‘z borganda, Ro‘ziqul Berdiyev bu omilning har doim ta’sir qiladiganini ta’kidladi. “Terma jamoa va klubda tayyorgarlik tizimi farq qiladi. Bu futbolchining formasiga ta’sir ko‘rsatadi. Masalan, Akmal Mozgovoy bugun yordam berdi, ammo biz undan kutgan o‘yinni ko‘rolmadik. Har bir futbolchining organizmi va qayta tiklanish vaqti turlicha”, – deb izoh berdi u. Akmalning maydondagi bahslari Jurnalistlarning “Akmal so‘nggi paytda bahslarga ko‘p kirishmoqda” degan savoliga Berdiyev shunday javob berdi: “U qiziqqon yigit. Bunday xarakterdagi futbolchilar ko‘p, ammo ular o‘zini nazorat qilishni bilishi kerak. Ba’zan keraksiz bahslar kartochkaga olib kelishi mumkin. Biz bu borada albatta suhbatlar olib boramiz”. Nima uchun uzoq masofadan zarbalar kamaydi? Murabbiy “Nasaf” futbolchilari so‘nggi o‘yinlarda darvozabon yaqinidan gol urishga harakat qilayotganini izohladi. “Men yigitlarga doim uzoq masofadan zarba berishni ko‘rsatma beraman. Lekin vaziyatga qarab qaror qabul qilish kerak. Ba’zi o‘yinlarda himoyachi devorlari qattiq bo‘ladi va futbolchi erkin pozitsiyani topa olmaydi. Bugun “Navbahor” aynan shunday qattiq himoyani namoyish etdi, shunga ko‘ra, yorqin vaziyatlar kam bo‘ldi”. Nasrullayev nega maydonga tushmadi? Jamoa a’zosi Sherzod Nasrullayev terma jamoa safidan yaqinda qaytgani va jamoa bilan to‘liq mashg‘ulot o‘tkazishga ulgurmagani sabab maydonga tushirilmagan. “Shu bilan birga unda yengil jarohat ham bor edi. Biz ehtiyot bo‘ldik va xavfli qaror qabul qilmadik. Nasrullayev tez orada safga qaytadi degan umiddaman”, — deya so‘zini yakunladi murabbiy. Xulosa: Ehtiyotlik va intizom meva berdi “Nasaf” jamoasi bugungi o‘yinda raqibga katta imkoniyat qoldirmagan holda, aql bilan o‘ynadi. Muhim uch ochko jamoaning yuqori pog‘onalarda turishini ta’minlashda hal qiluvchi bo‘lishi mumkin. Ro‘ziqul Berdiyev esa har bir futbolchining holatini sinchiklab tahlil qilgan holda, natijaga erishishda muvozanatni topgan murabbiy sifatida yana bir bor o‘zini namoyon etdi.

O‘zbekiston Superligasi 12-turidan o‘rin olgan "Nasaf" - "Navbahor" uchrashuvi qarshiliklar foydasiga 1:0 hisobida yakunlandi. O‘yindagi yagona gol Dragan Cheran 77-daqiqada penaltidan kiritdi. "Nasaf" – "Navbahor" 1:0 Gol: 1:0 – 77, Dragan Cheran (penalti) "Nasaf": 35.Abduvohid Ne’matov, 2.Alibek Davronov, 5.G‘olib G‘aybullayev, 7.Akmal Mozgovoy, 8.Zafarmurod Abdirahmatov (28.Shuhrat Muhammadiyev, 79), 10.Dragan Cheran (19.Stefan Cholovich, 84), 14.Sharof Muhiddinov, 18.Husayn Norchayev (99.Ruben Hebay, 64), 22.Igor Golban (6.Murod Rahmatov, 64), 77.Oybek Bozorov, 92.Umar Eshmurodov. Zaxira: 1.Oleksandr Vorobey, 9.Javohir Sidiqov, 17.Suhrob Nurulloyev, 24.Sardor Bahromov, 33.Bahodir Xalilov. "Navbahor": 1.Umid Ergashev, 7.Azim Ahmedov (15.Javohir Abdujabborov, 79), 9.Zabihillo O‘rinboyev, 10.Shahzod Ubaydullayev (37.Alisher Odilov, 63), 12.Saidazamat Mirsaidov, 13.Benjamin Teidi, 17.Ruslan Jiyanov, 19.Mirzohid G‘ofurov (33.Sergey Karpovich, 63), 36.Gelermo Gedesh, 70.Abbos G‘ulomov (29.Pedro Augusto, 85), 99.Igor Gabriel. Zaxira: 16.Shukron Yo‘ldoshev, 4.Shahzod Toirov, 8.Shohmalik Komilov, 11.Po‘latxo‘jaXoldorxonov, 71.Navro‘z Iminjonov. Ogohlantirish: Gelermo Gedesh (85)

Qarshining “Nasaf” futbol klubi tarkibida o‘z o‘rniga ega bo‘lgan yarim himoyachi Islom Kenjaboyev bilan rasman xayrlashdi. Bu haqda klub matbuot xizmati orqali ma’lum qilindi. Rasmiy bayonotda shunday deyiladi: “Nasaf” PFK ikki tomonlama kelishuv asosida Islom Kenjaboyev bilan amaldagi shartnomani bekor qildi. Unga jamoamiz uchun qilgan mehnati, sodiqligi va sadoqati uchun minnatdorchilik bildiramiz. Yangi bosqichdagi faoliyatida katta zafarlar tilaymiz! Barchasi uchun rahmat, Kenjaboyev!” Eslatib o‘tamiz, 25 yoshli futbolchi o‘tgan mavsum “Nasaf”ga qaytib kelgan edi. Bu yilgi mavsumda u Superliga va O‘zbekiston Kubogi doirasida jami 5 uchrashuvda maydonga tushdi. Garchi to‘liq o‘yin amaliyotiga ega bo‘lmagan bo‘lsa-da, jamoa murabbiylar shtabi tomonidan muhim o‘yinlarda ishonch bildirilgan futbolchi sifatida qayd etilgandi. Islom Kenjaboyev avval ham “Nasaf” akademiyasida tajriba to‘plagan, keyingi yillarda esa mamlakatning boshqa klublarida ham o‘zini sinab ko‘rgan. Uning texnik mahorati, universal pozitsiyasi va mehnatsevarligi hamisha ishonch uyg‘otgan. Futbolchi uchun yangi manzillar va yangi chaqiriqlar ostonasida turgan bir paytda, uning qayerda davom ettirishi hozircha noma’lum. Ammo ishonch bilan aytish mumkin: uning salohiyati ko‘plab klublar uchun qiziqarli bo‘lishi aniq. Zamin.uz tahririyati Islom Kenjaboyevga yangi jamoasida muvaffaqiyat, mustahkam sog‘liq va golli paslar bilan to‘la samarali faoliyat tilab qoladi. Yangi sahifa uning uchun yangi zafarlarga yo‘l ochsin!

Superliganing 10-turidan so‘ng jamoalarning chempionlik, xalqaro musobaqalar yo‘llanmasi va quyi ligaga tushib ketish ehtimoli bo‘yicha Footy Rankings portali navbatdagi tahliliy prognozini e’lon qildi. Bunda jamoalarning so‘nggi natijalari va turli holatlardagi ehtimoliy ssenariylar inobatga olingan. Chempionlik uchun asosiy kurashchilar Elit Osiyo Chempionlar Ligasi yo‘llanmasi uchun bir necha jamoa jiddiy raqobat olib bormoqda. Hozirda “Nasaf” chempionlik imkoniyati bo‘yicha peshqadamlik qilmoqda va 60% ko‘rsatkich bilan ilg‘or o‘rinda bormoqda. Undan keyin “OKMK” jamoasi 56% ko‘rsatkich bilan yuribdi. “Navbahor” va “Paxtakor” esa so‘nggi g‘alabalar sabab imkoniyatlarini oshirishga muvaffaq bo‘lishdi. Chempionlik ehtimoli: - “Nasaf” — 60% (+7%) - “OKMK” — 56% (−6%) - “Neftchi” — 19% (−2%) - “Navbahor” — 17% (+3%) - “Paxtakor” — 13% (+2%) Pro Ligaga tushib ketish xavfi yuqori bo‘lganlar Jadvalning pastki qismidagi jamoalar uchun har bir ochko muhim ahamiyatga ega. “Sho‘rtan” hali ham xavfli hududda, garchi o‘tgan haftaga nisbatan ko‘rsatkichi sezilarli darajada yaxshilangan bo‘lsa-da. “Mash’al” esa ilk marta to‘g‘ridan to‘g‘ri tushib ketish ehtimoli yuqori bo‘lganlar safiga qo‘shildi. Pro Liga xavfi: - “Sho‘rtan” — 53% (−13%) - “Buxoro” — 26% (+6%) - “Mash’al” — 9% (yangi) Pley-offda ishtirok etish ehtimoli Quyi ligada qolish uchun pley-off o‘ynash ehtimoli bo‘yicha “Mash’al” va “Buxoro” yetakchilik qilmoqda. Shuningdek, “Qo‘qon-1912”, “Xorazm”, “Andijon”, “Qizilqum” va “So‘g‘diyona” jamoalari ham xavf hududida qolmoqda. Pley-off ehtimoli: - “Mash’al” — 67% (+5%) - “Buxoro” — 63% (−8%) - “Qo‘qon-1912” — 50% (+1%) - “Xorazm” — 44% (−20%) - “Andijon” — 42% (+11%) - “Qizilqum” — 36% (+7%) - “So‘g‘diyona” — 32% (+8%) Zamin.uz tahririyatidan: Mavsum qizg‘in pallaga kirmoqda va har bir tur jamoalarning keyingi taqdirini belgilab beradi. Sizcha, qaysi klublar elitaga chiqadi, qaysilari tushib ketadi?

Superliganing 10-turidan o‘rin olgan "Buxoro" - "Dinamo" bellashuvida jamoalar durangga imzo chekdi - 2:2. Dastlab, 34-daqiqada Anvarjon Hojimirzayev mehmonlarni hisobda oldinga olib chiqdi. Ikkinchi bo‘limning 65-daqiqasida mezbonlar futbolchisi Shahboz Jo‘rabekov uzoq masofadan to‘pni darvozaaga joylab qo‘ydi va kuchlarni tenglashtirdi. Frane Ikichning 74-daqiqadagi goli "Buxoro"ni oldinga olib chiqqan bo‘lsa, 87-daqiqada Xislat Halilovning oradagi farqni yo‘qqa chiqardi. "Buxoro" – "Dinamo" 2:2 Gollar: Shahboz Jo‘rabekov 65', Frane Ikich 74' – Anvar Hojimirzayev (Oybek O‘rmonjonov) 34', Xislat Xalilov 87' Qo‘qonda o‘tkazilgan bahsda «Nasaf» «Qo‘qon-1912»ni mag‘lub etdi. Qarshiliklar safida gollarga Cholovich va Norchayev mualliflik qildi. Shu tariqa, «Nasaf» ochkolari sonini 22 taga yetkazgan holda turnir jadvalida 1-o‘ringa chiqib oldi. «Qo‘qon-1912» esa 12 ochko bilan 9-pog‘onadan joy olgan. “Qo‘qon-1912” — “Nasaf” 0:2 Gollar: Stefan Cholovich 35, 0:1 (Murod Rahmatov), Husayn Norchayev (Oybek Bozorov) 50, 0:2 G‘uzorda o‘tkazilgan bahsda «Sho‘rtan» «Andijon»ni mag‘lub etdi. Mezbonlar safida yagona golga Narzullayev mualliflik qildi. Shu tariqa, «Sho‘rtan» ochkolari sonini 5 taga yetkazgan holda turnir jadvalida 16-o‘rinda qoldi. «Andijon» esa 9 ochko bilan 12-pog‘onadan joy olgan. «Sho‘rtan» – «Andijon» 1:0 Gol: Doniyor Narzullayev 33

Superliganing 10-turidan o‘rin olgan “Qo‘qon-1912” – “Nasaf” (0:2) uchrashuvidan keyin, mezbonlar bosh murabbiyi Bahrom Haydarov matbuot anjumanida jamoa harakati, o‘yindagi xulosa va kelgusi rejalar haqida fikr bildirdi. “Qiyin raqibga qarshi yaxshi harakat qildik” — “Nasaf” mamlakatimizdagi eng kuchli jamoalardan biri hisoblanadi. Ularga qarshi maydonda qarshilik ko‘rsatish oson emas. Yigitlar harakat qilishdi va bizda ham imkoniyatlar bo‘ldi. Hayot davom etadi, bu natija bilan to‘xtamaymiz. Agar vaziyatlar yaratilayotgan bo‘lsa, demak, o‘sish uchun salohiyatimiz bor, — dedi murabbiy. “Kuchli raqiblar fonida 3 ochko olish ham muhim” — Oxirgi uch turda jadvalning yuqori qismidagi jamoalarga qarshi maydonga tushdik. Bu o‘yinlarda ko‘proq ochko to‘plashni maqsad qilgandik. Umumiy hisobda 3 ochko jamg‘ardik. Albatta, buning o‘zi katta natija emas, lekin bunday o‘yinlar bizga tajriba beradi. Endilikda ham muxlislar, ham rahbariyat har qanday raqibga qarshi kurash va g‘alaba kutmoqda. Ikki mag‘lubiyat ortidan qattiq xulosa chiqarish shart emas. Ishlashda davom etamiz. “Beshimov gol urishga yaqin edi” Matbuot anjumanida Beshimovning birinchi bo‘limdagi gol urish imkoniyati haqida ham so‘raldi: — O‘sha vaziyat deyarli aniq gol edi. Men ham to‘p darvozadan o‘tadi deb o‘ylagandim. Ammo raqib darvozaboni yuksak mahoratini ko‘rsatdi. Bunday imkoniyatlarni ishonchli yakunlash kerak. Superligada jarima maydonidagi har bir vaziyat katta ahamiyatga ega. Beshimov o‘sishda davom etmoqda, va u yana shunday imkoniyatlarga ega bo‘ladi, deb ishonaman. “Jamoani asta-sekin kuchaytirish niyatimiz bor” Yozgi transferlar haqidagi savolga Haydarov shunday javob berdi: — Biz yangi jamoamiz, va Superligaga chiqqandan so‘ng tarkibga bir qator yangi futbolchilarni qo‘shdik. Jamoa jipslashib bormoqda. Katta o‘zgarishlar qilmaymiz, ammo bir-ikkita pozitsiyani mustahkamlash niyatimiz bor. Variantlar mavjud, ammo hozircha nomlarini oshkor qilmayman. Imkoniyatlardan kelib chiqib, zarur bo‘lgan nuqtalarni mustahkamlashga harakat qilamiz. — Hozirgi asosiy maqsadimiz — jamoamizdagi yosh futbolchilarni rivojlantirish. Beshimov, Husanov va Jo‘raboyev singari yigitlar biz uchun asosiy poydevor. Agar ulardan kuchliroq o‘yinchilarni topa olsak, albatta, ularni jamoaga jalb qilamiz, — dedi Bahrom Haydarov. Zamin.uz tahririyatidan: “Qo‘qon-1912” jamoasi natijalardan qat’i nazar, yo‘nalishini aniq belgilagan. Tarkibni bosqichma-bosqich mustahkamlash, yosh futbolchilarni yetishtirish va jiddiy raqobatlarga tayyorgarlik klub falsafasining asosi bo‘lib qolmoqda. Siz Bahrom Haydarovning bu yondashuvini qanday baholaysiz?

17 may kuni Qo‘qon shahrida Superliganing 10-turidan o‘rin olgan qiziqarli to‘qnashuv — “Qo‘qon-1912” va “Nasaf” jamoalari o‘rtasidagi o‘yin bo‘lib o‘tadi. Uchrashuv soat 20:00 da “Markaziy” stadionda start oladi. Qarshi va Qo‘qon jamoalari orasidagi tarixiy raqobat muxlislar uchun hamisha qiziq bo‘lib kelgan. Bu galgi bahs oldidan ham statistikaga nazar tashlash maqsadga muvofiq. Umumiy statistika: “Nasaf” ustun Hozirgacha O‘zbekiston chempionati doirasida bu ikki jamoa 28 marta o‘zaro maydonda kuch sinashgan. “Ajdarlar” bu o‘yinlarning 19 tasida g‘alaba qozongan, “Qo‘qon-1912” esa 5 marta zafar quchgan. To‘rtta bellashuv durang bilan yakunlangan. To‘plar nisbati ham “Nasaf” ustunligini ko‘rsatmoqda — 51:27. Umumiy ochkolarda “Nasaf”da 61 ball bo‘lsa, “Qo‘qon-1912” jamoasi 19 ochko to‘plagan. Qo‘qondagi oxirgi uchrashuvlar qanday o‘tdi? So‘nggi olti marta “Markaziy” stadionda o‘tgan bahslarda natijalar quyidagicha shakllangan: - 02.05.2022 — “Qo‘qon-1912” 0:1 “Nasaf” - 28.06.2021 — “Qo‘qon-1912” 1:2 “Nasaf” - 14.07.2020 — “Qo‘qon-1912” 2:2 “Nasaf” - 27.08.2019 — “Qo‘qon-1912” 1:0 “Nasaf” - 13.09.2018 — “Qo‘qon-1912” 1:1 “Nasaf” - 21.04.2018 — “Qo‘qon-1912” 0:0 “Nasaf” Bu natijalardan ko‘rinib turibdiki, Qo‘qondagi bahslar “Nasaf” uchun oson kechmagan — so‘nggi 6 uchrashuvda ular faqat ikki marta yuta olgan. Qolgan to‘rt o‘yinda esa yoki durang, yoki mag‘lubiyat qayd etilgan. Rezerv tarkiblar to‘qnashuvi Asosiy tarkiblar o‘rtasidagi to‘qnashuvdan bir kun o‘tib, 18 may kuni “Qo‘qon-1912” va “Nasaf”ning o‘rinbosarlar jamoalari Yaypandagi “O‘zbekiston” stadionida o‘zaro maydonga chiqishadi. Zamin.uz tahririyati ushbu bellashuvning barcha tafsilotlari va natijalarini sizga tezkor ravishda yetkazib borishda davom etadi. Siz kimning g‘alaba qozonishini kutyapsiz?

O‘zbekiston kubogi "B" guruhi 3-turidan o‘rin olgan "Paxtakor" – "Nasaf" (6:3) uchrashuvidan so‘ng mehmonlar hujumchisi Husayn Norchayev o‘z fikrlari bilan o‘rtoqlashdi. - Mag‘lubiyatga nima sabab bo‘ldi? - Qiyin o‘yin bo‘ldi. Mag‘lubiyatga asosiy sabab nima ekanligini bilmayman. Futbolda bu hol uchrab turadi. Endi buni unutib, keyingi o‘yinga tayyorgarlik ko‘ramiz. - "Bunyodkor"ga qarshi o‘yindagi qo‘ldan chiqarilgan g‘alabaning bugungi o‘yinga ruhiy ta’siri bormidi? - Yo‘q, sababi biz har bir o‘yinga alohida tayyorgarlik ko‘ramiz. Diqqatimizni Superligaga qaratishimiz darkor. - "Nasaf" o‘tgan yili kubokni qurbon qilish evaziga bor e’tiborini Superligaga qaratib, chempionlikni qo‘lga kiritgandi. "Paxtakor"ga qarshi o‘yindan avval jamoani faqat g‘alaba qoniqtirardi. Shunga qaramay, dastlab aralash tarkib maydonga tushdi. Buni qarshiliklarning ushbu turnirga bor diqqatini qaratmaganligi bilan izohlash mumkinmi? - Yo‘q, unday emas. Tarkibdagi barcha futbolchilar yaxshi holatda. "Paxtakor"ga qarshi bahsda avvalgi o‘yinlarda maydonga tushmagan o‘yinchilarga imkon berildi. Barchamizning jismoniy va ruhiy holatimiz bir xil, deb o‘ylayman. Shu sababli, barchaga imkon berilishi lozim. Hali oldinda o‘yinlar ko‘p. Muxlislar bizni qo‘llab-quvvatlab turishsin, ularni xursand qilishga harakat qilamiz.

O‘zbekiston kubogi "B" guruhi 3-turidan o‘rin olgan "Paxtakor" – "Nasaf" (6:3) uchrashuvidan so‘ng mehmonlar hujumchisi Dragan Cheran o‘z fikrlari bilan o‘rtoqlashdi. - Bugungi o‘yin haqida fikr bildirsangiz. - Yaxshi o‘yin bo‘ldi. Ko‘p gollar urildi. Afsuski, yutqazdik. Himoyada ko‘p xatolarga yo‘l qo‘ydik. Oxir-oqibat juda ko‘p gol o‘tkazib yubordik. Oltita gol. Bu juda ko‘p. Ha, ehtimol, kubokka keraklicha jiddiy yondashmagandirmiz. Ammo oldinda chempionat, Superkubok bor. Keyin esa Elit Chempionlar ligasi. Shuning uchun bu yutqazish, albatta, achinarli. Xullas, olg‘a yurishda davom etamiz. - Ikkinchi bo‘lim boshida hakamga e’tiroz bildirganingiz uchun sizga sariq kartochka ko‘rsatildi. Jiddiy e’tirozda qanchalik asos bor edi? - Odatdagidek, shunchaki hakam bilan gaplashmoqchi edim. Fikrimizni bildirmoqchi, fikr almashmoqchi edik. U bugun juda ziddiyatli edi, shunday deyish mumkin. U bir necha marta yaqqol "Paxtakor" foydasiga xato qildi. Bu ham, albatta, ozgina ta’sir ko‘rsatdi, lekin... Ular ham odam, xato qilishlari mumkin, shuning uchun hechqisi yo‘q. - Sizni O‘zbekistonning ko‘p yillik to‘purari sifatida yaxshi bilamiz. Ammo bu yilgi ko‘rsatkichlaringiz yaxshi emas. Bunga sabab nimada? - Bu yilgi maqsad boshqa. Mening vazifam – yoshlarga va "Nasaf"ga yordam berish. Nafaqat shaxsan, balki jamoaviy tarzda ham yordam berish kerak. Yana bir bor chempion bo‘lishimiz va nimaga qodir ekanligimizni ko‘rsatishimiz zarur. Bizda yaxshi jamoa jamlangan. - "Paxtakor" siz bilan munosib xayrlashmaganidan xafamisiz? - Bu endi tarix bo‘lib qoldi. Unga ortiq qaytmaylik.

O‘zbekiston kubogining uchinchi bosqichida "Nasaf"ni yirik hisobda (3:2) mag‘lub etgan “Paxtakor” jamoasi bosh murabbiyi Kamoliddin Tojiyev uchrashuvdan so‘ng matbuot anjumanida ishtirok etib, jamoa holati, tarkibdagi yo‘qotishlar va kelgusi rejalar haqida to‘xtalib o‘tdi. Yo‘qotishlar va jarohatlar – murabbiyning izohi Tojiyev “Paxtakor”dagi ayrim yetakchi futbolchilarning o‘yinlarda ko‘rinmasligini jarohatlar bilan izohladi: “Flamarion va Islombek Abdullayevda jarohat bor edi. Shuningdek, Holmatov va Hamdamov ham jarohat sabab o‘yindan chetda qoldi. Jonatan Lukka esa tizzasidan jiddiy jarohat oldi. Olti oyga safdan chiqdi.” Terma darajasidagi jamoa, lekin ruhiy bosim yuqori Murabbiy “Paxtakor” safidagi futbolchilarning salohiyati yuqori ekanini ta’kidlar ekan, ularning ruhiy holatiga alohida e’tibor qaratish kerakligini qayd etdi: “Yigitlarning deyarli hammasi terma jamoa darajasidagi futbolchilar. Ammo ular so‘nggi vaqtlarda ruhiy tushkunlikka tushib qolishgan. Buni to‘g‘rilash — mening eng muhim vazifam. Ruhiy jihatdan qo‘llab-quvvatlashni davom ettiramiz.” Himoyadagi muammolar va o‘yin amaliyoti Kamoliddin Tojiyev jamoaning hujumda samarali harakat qilayotganini ta’kidlagan bo‘lsa-da, himoyadagi xatolarga jiddiy e’tibor qaratishi kerakligini bildirdi: “Gol uryapmiz, bu yaxshi. Ammo o‘tkazayotgan gollar soni ortib boryapti. Bu juda xavotirli. Himoya chizig‘ida ko‘plab xato va ishonchsizlik mavjud.” Shuningdek, Hamdamovning o‘yin amaliyotiga oid savolga javoban shunday dedi: “Uning o‘yin amaliyoti yetarli emas edi. Shu bois o‘rinbosarlar tarkibida maydonga tushirdik. Jarohat aynan o‘sha o‘yinda yuz berdi.” Kubokmi yoki Superliga — qaysi biri muhim? Murabbiy jamoaning barcha frontlarda oliy maqsadlarga intilishini ta’kidladi: “Paxtakor”da ikkinchi darajali front yo‘q. Kubok ham, Superliga ham biz uchun juda muhim. Qaysi musobaqada ishtirok etmaylik, faqat chempionlik uchun kurashamiz.” Zamin.uz tahririyati Kamoliddin Tojiyevga jamoani barqaror ritmga qaytarish, futbolchilarning jarohatlaridan tezda forig‘ bo‘lishi va “Paxtakor”ning yangi g‘alabalarida omad tilaydi.

O‘zbekiston kubogi 3-turidan o‘rin olgan "Paxtakor" - "Nasaf" bellashuvi yakuniga yetdi. "JAR"da o‘tgan bellashuvda maydon egalari ishonchli hisobda mehmonlarni mag‘lubiyatga uchratdi - 6:3. Toshkentliklar safida Igor Sergeyev het-trikka erishdi. Natijada Ro‘ziqul Berdiyev shogirdlari ketma-ket ikkinchi yildirki, O‘zbekiston kubogini guruh bosqichidayoq yakunladi. "Paxtakor" – "Nasaf" 6:3 Gollar: Ibrohim Ibragimov 3', Igor Sergeyev, 14', 61', 85', Dilshod Abdullayev 36', Brayan Riaskos 81' - Stefan Cholovich, 28', Akmal Mozgovoy 32', Husayn Norchayev 54'. "Paxtakor": 12.Vladimir Nazarov, 6.Muhammadali O‘rinboyev, 7.Hojiakbar Alijonov, 9.Ibrohim Ibragimov, 11.Igor Sergeyev, 20.Dilshod Abdullayev, 21.Bashar Resan, 22.Umar Adhamzoda, 27.Sardor Sobirxo‘jayev, 55.Muhammadrasul Abdumajidov, 77.Dilshod Saitov. Zaxira: 19.Jonatan Luis, 4.Abdulla Abdullayev, 15.Diyor Ortiqboyev, 18.Saidumar Saidnurullayev, 23.Abdurauf Bo‘riyev, 31.Muhammadali Usmonov, 44.Mahmud Mahammadjonov, 94.Brayan Riaskos, 99.Ulug‘bek Hoshimov. "Nasaf": 1.Oleksandr Vorobey, 5.G‘olib G‘aybullayev, 7.Akmal Mozgovoy, 8.Zafarmurod Abdirahmatov, 14.Sharof Muhitdinov, 17.Suhrob Nurulloyev, 18.Husayn Norchayev, 19.Stefan Cholovich, 22.Igor Golban, 24.Sardor Bahromov, 28.Shuhrat Muhammadiyev. Zaxira: 35.Abduvohid Ne’matov, 2.Alibek Davronov, 6.Murodbek Rahmatov, 10.Dragan Cheran, 33.Bahodir Xalilov, 73.Diyorbek Asomiddinov, 77.Oybek Bozorov, 92.Umarbek Eshmurodov, 99.Rubin Xebay. Chetlatish: Alibek Davronov 69' OKMK klubi esa birinchi liga vakili «Navoiy FA»ga qarshi bahsda 12:1 hisobida g‘alaba qozonib, guruhni peshqadam sifatida yakunladi. OKMK – Navoiy FA 12:1 Gollar: Ruben Sanches, 1 (1:0), Aziz Xolmurodov, 19 (2:0), Nodirbek Abdurazzoqov, 21 (3:0), Ruben Sanches, 33 (4:0), Sherzod Raufov, 42 avtogol (5:0), Nodirbek Abdurazzoqov, 42 (6:0), Ahmadullo Muqumjonov, 50 (7:0), Asadbek Sobirjonov, 55 (8:0), Ruben Sanches, 58 (9:0), Hasan Murodilloyev, 60 (9:1), Xurshid G‘iyosov, 64 (10:1), Xurshid G‘iyosov, 77 (11:1), Asadbek Sobirjonov, 78 (12:1) OKMK: 1.Humoyunshoh Sayyotov, 4.Mirjamol Qosimov, 5.Giorgi Papava, 6.Avazbek O‘lmasaliyev, 7.Dilshodbek Ahmadaliyev, 8.Aziz Xolmurodov, 11.Ruben Sanches, 15.Oybek Rustamov, 19.Ahmadullo Muqumjonov, 77.Nodirbek Abdurazzoqov, 99.Asadbek Sobirjonov. Zaxira: 31.Muhammad Ubaydullayev, 9.Kleydi Datsi, 10.Xurshid G‘iyosov, 13.Eldorbek Begimov, 16.Naoaki Senaga, 20.Islom To‘xtaxo‘jayev, 23.Ajak Riak, 28.Arixiro Sentoku, 90.Abubakr Rizo Turdialiyev. "Navoiy FA": 1.Samandar Nurmamatov, 2.Sherzod Raufov, 3.Sardorjon Hazratqulov, 4.E’zoz Boymurodov, 9.Shahboz Fayziyev, 10.Ozodbek Ro‘ziyev, 19.Ozodbek Bekmurotov, 20.Mehroj Qo‘ldoshev, 33.Azizbek Qarshiyev, 47.Hasan Mirodilloyev, 50.Shahriyor Rashidov. Zaxira: 32.Mehrojbek Sirojiddinov, 7.Saidusmon Akmalov, 17.Sanjarjon Sobirov, 18.Jasurbek Safarboyev, 25.Akbarali Anvarov, 27.Azizbek Rajabov, 71.Sardorbek Shamsiyev.

Bugun O‘zbekiston kubogi 3-turi doirasidagi bahslar start oldi. "H" guruhidagi vaziyat bo‘yicha ko‘pchilik juda ko‘p savol bilan murojaat qilmoqda. Oxirgi turda "Paxtakor", OKMK va "Nasaf"ning ochkolari teng bo‘lib qolsa dastlab nimaga qaraladi? Keyingi bosqichga kimlar chiqadi? Reglamentga ko‘ra, ikki va undan ortiq qatnashchi to‘plagan ochkolar teng bo‘lib qolsa, ularning o‘rni quyidagi ketma-ketlik bo‘yicha aniqlanadi: 1. o‘zaro uchrashuv(lar) natijasiga ko‘ra; 2. o‘zaro uchrashuvlarda olingan ochkolar natijasiga ko‘ra; 3. o‘zaro uchrashuvlarda urilgan va o‘tkazib yuborilgan to‘plar farqiga ko‘ra; 4. barcha uchrashuvlarda urilgan va o‘tkazib yuborilgan to‘plar farqiga ko‘ra; 5. barcha uchrashuvlarda urilgan to‘plar soniga ko‘ra; 6. barcha uchrashuvlarda raqib maydonida urilgan to‘plar soniga ko‘ra; 7. barcha uchrashuvlarda erishilgan g‘alabalar soniga ko‘ra; 8. barcha uchrashuvlarda safar o‘yinlarida erishilgan g‘alabalar soniga ko‘ra; 9. barcha uchrashuvlarda uy o‘yinlarida uchralgan mag‘lubiyatlar sonining aks ta’siriga ko‘ra. Bizning holatimizda aytaylik "Nasaf" "Paxtakor"ni bitta to‘p farqi bilan yutdi (1:0, 2:1, 3:2 va hokazo) va ochkolarini 6 taga yetkazib oldi. OKMK esa "Navoiy FA"ni istalgan hisobda mag‘lub etdi va ochkosini 6 taga yetkazdi. Bunday holatda uchta klubda ochkolar soni 6 tadan bo‘ladi va aynan mana shu uchta klubning o‘zaro o‘yinlari hisoblanadi. "Navoiy FA"ga qarshi bahslar olib tashlanadi. E’tiborlisi yuqoridagi reglamentning dastlabki uchta qatoridagi barcha ko‘rsatkichlar teng bo‘ladi: - "Paxtakor" 3 ochko, to‘plar farqi 0 - OKMK 3 ochko, to‘plar farqi 0 - "Nasaf" 3 ochko, to‘plar farqi 0 Endi reglamentning to‘rtinchi qatoriga o‘tamiz: barcha uchrashuvlarda urilgan va o‘tkazib yuborilgan to‘plar farqiga ko‘ra; Bunday holatda "Navoiy FA"ga qarshi bellashuvlar ham o‘z kuchida qoladi va guruhdagi umumiy to‘plar farqiga qaraladi. Ayni paytda vaziyat bunday: - "Paxtakor" to‘plar farqi +10 - "Nasaf" to‘plar farqi +3 - OKMK to‘plar farqi 0 "Nasaf" bitta to‘p farqi bilan yutsa +4 bo‘ladi, "Paxtakor"da esa +9 ga aylanadi. Ya’ni "sherlar" Karmanaga asosiy futbolchilarni olib borib yirik hisobda yutgani shu joyda as qotadi. Demak hamma gap OKMK - "Navoiy FA" uchrashuvida qoladi. Olmaliq klubi keyingi bosqichga chiqishi uchun imkon qadar yirikroq hisobda yutishi talab etiladi. Har qanday holatda ham, 13 may kungi bahslarni diqqat bilan kuzatish kerak bo‘ladi.

Bugun O‘zbekiston Kubogi guruh bosqichining 3-turiga start beriladi. So‘nggi tur o‘yinlari 13 mayda boshlanib 21 may sanasida yakunlanadi. 13-14 may kunlariga 8 ta o‘yin belgilangan bo‘lsa, 20 va 21 may kunlariga yana qolgan 8 ta bellashuv rejalashtirilgan. Bugun bo‘lib o‘tadigan “Paxtakor” – “Nasaf” uchrashuviga so‘zsiz qiziqish katta. Ularning ishtiroki chempionat va Kubok bahsida bo‘ladimi, nomlarning o‘ziyoq katta afisha! Aynan 13 may kuni, bugun "Paxtakor" O‘zbekiston Kubogi 3-turida "Nasaf"ga qarshi "Jar" stadionida maydonga tushadi. Jamoalar O‘zbekiston Kubogida jami 18 marta to‘qnash kelishgan. Ularning 7 tasida "Sherlar" g‘alaba qozongan bo‘lsa, 5 ta bahsda durang qayd etilgan va 6 o‘yinda raqib g‘alabasi kuzatilgan. “Paxtakor” jamoasi 28 to‘p kiritgan holda darvozasidan 21 gol olib chiqqan. Kubok pley-off bosqichlarida 8 to‘qnashuvning 5 tasida "Paxtakor", 3 tasida "Nasaf" navbatdagi bosqichga yo‘l olgan. Yana uch bahs final o‘yinida kuzatilib, ularning ikkitasida "Sherlar", yana birida raqib g‘olib chiqqan. “Paxtakor”ni endi portugaliyalik Pedru Moreyra boshqarmayapti. Kamoliddin Tojiyev o‘tgan turdan boshlab vaqtinchalik bosh murabbiy vazifasiga kirishdi. Ungacha “Paxtakor” U19 jamoasini boshqarib kelayotgandi. Tojiyev “Paxtakor”ning asosiy jamoasi bilan “Buxoro”ga qarshi uchrashuvda gollar shousini uyushtirib berdi va 6:0 hisobida raqib tor-mor keltirildi. Endi navbat “Nasaf” bilan o‘yinga va Tojiyevni jiddiy imtihon kutyapti. “N” guruhida “Sherlar” ikki o‘yin natijasiga ko‘ra 6 ochko bilan peshqadam bo‘lib turibdi. OKMK va “Nasaf”da esa 3 ochkodan bor va “Navoiy FA” hisobida ochko yo‘q. O‘tgan turda “Nasaf” OKMKga 3:2 hisobida mag‘lubiyatga uchraganini bilsangiz kerak. O‘shanda 0:2 hisobida ustunlikrf erishib turgan qarshiliklar yakunda 3 ta to‘p o‘tkazib yuborishgandi. “Paxtakor” ilk turda OKMKni 2:1 natijasi bilan yengdi. O‘tgan turda Navoiyda akademiya tarbiyalanuvchilari darvozasiga javobsiz 9 ta gol urdi. 3 ochkoga ega bo‘lib turgan “Nasaf”ga keyingi bosqichga chiqish uchun faqat va faqat g‘alaba kerak. “Paxtakor” keyingi bosqich masalasini deyarli hal qilib bo‘lgandek-a? Biroq bunday prinspial bahsda “Sherlar”ning aslo yutqazgisi kelmaydi. Ularni durang ham qoniqtiradi. OKMKning “Navoiy FA” ustidan g‘alaba qozonishiga hech kim shubha qilmayapti. Reglamentga ko‘ra, agar “Paxtakor”, “Nasaf” va OKMKda ochkolar teng bo‘lib qolsa, birinchi navbatda o‘zaro o‘yinlar natijalariga qaraladi. Undan so‘ng o‘zaro o‘yinlarda qo‘lga kiritilgan ochkolarga, to‘plar nisbatiga qaraladi. Xullas, uchala klubda 6 ochkodan bo‘lib qolsa, bu yog‘i matematik hisob-kitoblarga aylanib ketadi. “Paxtakor” esa vaziyat bunday chigallashishiga yo‘l qo‘ymaslik maqsadida ijobiy natija uchun kurashadi. Ro‘ziqul Berdiyev jamoasi o‘tgan yili guruhda qolib ketgandi. Ketma-ket ikkinchi yil “Nasaf”ning guruhda qolib ketishiga yo‘l qo‘ymaslik uchun ham Berdiyev o‘z jamoasi bilan har qanday holatda faqat ijobiy natija uchun kurashadi. Qolaversa, "Nasaf" sardori Dragan Cheran bugun sobiq klubiga qarshi maydonga tushadi. Balki uning "Sherlar"ga aytar "so‘zi" bordir... "Paxtakor" va "Nasaf" jamoalari o‘rtasidagi bahs 13 may, seshanba kuni "Jar" stadionida soat 19:00da boshlanadi.

Superliganing 9-turi doirasida "Nasaf" maydonidagi durangdan keyin "Bunyodkor" bosh murabbiyi Ilyos Zeytullayev matbuot anjumanida qatnashdi. - O‘yin intensiv o‘tdi. Futbolchilarimga rahmat aytaman. Biz qiyin haftani boshimizdan o‘tkazdik. Biz futbol bilan yashayapmiz, shu sababli bunday nyuanslarni to‘g‘ri qabul qilamiz. Shunday bo‘lsa-da, barcha birdamlikni saqlab qoldi. O‘zimga ham hafta juda qiyin o‘tdi. Buning ortidan o‘zimga xulosalar chiqardim. Bugun qiyin holatdan chiqib ketdik va qiyin paytda ham futbol o‘ynay olishimizni ko‘rsatdik. Yaxshi hujum qildik, kuchli himoyalandik. Ayrim sabablar tufayli ichki muammolar bilan ovora bo‘lib qoldik. Biroq biz kuchlimiz, jamoa sifatida kuchlimiz. "Nasaf" - amaldagi chempion. Muxlislari ham jamoani yaxshi ko‘radi. Ular ayni damda O‘zbekistondagi eng kuchli jamoa. - Temurxo‘ja Abduxoliqovni almashtirdingiz. Undan keyingi o‘zgarishlar jamoaga qanday yordam bera oldi? - Zaxiradan tushadigan barcha futbolchilarga g‘alaba qozonish kerakligini uqtiramiz. Sardor Abdunabiyev qachonki zaxiradan o‘yinga qo‘shilsa, ritmni o‘zgartiradi va intensivlikni oshiradi. Temurxo‘ja tajribali futbolchi, doimo jamoaga katta energiya berib turadi. Shunday bo‘lsa-da, uni almashtirishga qaror qildik. Bugun zaxirada o‘tirib, o‘yinga tushmagan futbolchilarga ham rahmat aytaman. Hali ularning ham vaqti keladi. Mavsum hali uzoq davom etadi. Ular afsuslanmasligi kerak. - Bugun 2:2 hisobida durang qayd etildi. "Bunyodkor" taktik rejalar evaziga durang o‘ynadimi yoki vaziyatlardan foydalanish? "Bunyodkor"da bugun ko‘p ham vaziyat bo‘lmadi. - Qarshida "Nasaf"ga qarshi o‘yinda hech kimda ko‘p vaziyat bo‘lmaydi. Amaldagi chempionga qarshi o‘yin qiyin bo‘lishini bilgandik. Birinchi bo‘limda baland bo‘yli himoyachilari bor "Nasaf" jarima maydoni yonidagi standartlardan ham vaziyatlarga ega bo‘ldik. Natija adolatli bo‘ldi, ha, balki raqiblar ko‘proq vaziyatlarga ega bo‘lishgandir. Biroq bu futbol, u so‘nggi daqiqagacha davom etadi. Hatto so‘nggi soniyalarda jamoalar mag‘lubiyatga uchrashmoqda. So‘nggi yillarda O‘zbekistonda futbol rivojlanayotganini ko‘rib turibman. O‘yinlar so‘nggi daqiqalargacha davom etmoqda. Agarda yana bir qancha jihatlarni to‘g‘rilab olsa, bu chempionat superchempionatga aylanadi. - "Bunyodkor" OKMK va "Nasaf"ga qarshi o‘ynadi. Jamoangiz futbolchilari bu ikki o‘yindan qaysi birida ko‘proq mehnat qildi deb o‘ylaysiz? - Bu o‘yinlarda biz bir xil kuch ishlatdik. OKMKga qarshi o‘yindan 4 kun o‘tib, biz "Qo‘qon-1912"ni qabul qildik. Bu o‘yinda e’tiborni biroz yo‘qotganimiz uchun mag‘lubiyatga uchradik. Chunki OKMKga qarshi o‘yindan keyin yigitlarda charchoq alomati bor edi. OKMK ham juda kuchli raqib. Lekin Qarshida, "Nasaf"ga qarshi, raqibning bunday tarkibi bilan bo‘lsa, uncha-muncha jamoalar kelib, qo‘l ko‘tarib ketishi mumkin. Shu sababli bu yerdan ochko bilan qaytish ko‘p narsalarni anglatadi.

Superliganing 9-turidan o‘rin olgan bahslar davom ettirildi. Turning navbatdagi bellashuvida "Nasaf" o‘z maydonida "Bunyodkor"ni qabul qildi va jamoalar kuchi teng keldi - 2:2. Dastlab, 23-daqiqada Oybek Bozorovning ajoyib uzatmasidan so‘ng Rubin Xebay golga aylantirdi. 78-daqiqada esa biroz avval maydonga tushgan Nosirjon Abdusalomov oradagi farqni yo‘qqa chiqardi. Oradan 5 daqiqa o‘tib esa Oybek Bozorov mezbonlarni hisobda oldinga olib chiqdi. Bahsga qo‘shib berilgan 90+1 daqiqada standart vaziyatdan unumli foydalangan Marko Bugarin kuchlarni tenglashtirib qo‘ydi. "Nasaf" – "Bunyodkor" 2:2 Gollar Rubin Xebay (Oybek Bozorov) 23', Oybek Bozorov (Akmal Mozgovoy) 83' – Nosirjon Abdusalomov (Luis Kaochrri) 78', Marko Bugarin (Martin Shroler) 90+1' "Nasaf": 35.Abduvohid Ne’matov, 2.Alibek Davronov, 5.G‘olib G‘aybullayev (28.Shuhrat Muhammadiyev, 75), 6.Murodbek Rahmatov (7.Akmal Mozgovoy, 66), 8.Zafarmurod Abdiraxmatov (14.Sharof Muhitdinov, 81), 10.Dragan Cheran (19.Stefan Cholovich, 66), 22.Igor Golban, 34.Sherzod Nasrullayev, 77.Oybek Bozorov, 92.Umarbek Eshmurodov, 99.Rubin Xebay (18.Husayn Norchayev, 66). Zaxira: 1.Oleksandr Vorobey, 17.Suhrob Nurulloyev, 24.Sardorbek Bahromov, 33.Bahodir Xalilov. "Bunyodkor": 1.Abdumavlon Abdujalilov, 4.Najmiddin Normurodov, 6.Boburbek Yo‘ldoshev, 7.Odiljon Hamrobekov, 9.Imeda Ashortia (21.Nosirjon Abdusalomov, 76), 11.Temurxo‘ja Abduxoliqov (22.Azizbek Amonov, 64), 15.Marko Bugarin, 23.Asadbek Rahimjonov (30.Sardor Abdunabiyev, 64), 57.Amir To‘raqulov (8.Martin Shroler, 46), 74.Luis Kachorri, 77.Muzaffar Olimjonov (10.Rasul Yo‘ldoshev, 89). Zaxira: 13.Hamidullo Abdunabiyev, 5.Aleksandr Zevadinov, 18.Narimjonjon Ahmadjonov 66.Azizbek To‘lqunbekov. Ogohlantirish: Odiljon Hamrobekov (88).

O‘zbekiston Superligasida aprel oyining eng yaxshi murabbiyini aniqlash uchun nomzodlar ro‘yxati e’lon qilindi. Professional futbol ligasi tomonidan oyning eng yaxshi mutaxassisini aniqlash uchun chempionatda yuqori natijalar qayd etgan va jamoalarini muvaffaqiyatli boshqargan to‘rt nafar murabbiy saralab olindi. Quyidagi nomzodlar futbol muxlislari va ekspertlarning ovozlari orqali aprel oyining eng yaxshi murabbiyi bo‘lish uchun raqobatlashadi: Ro‘ziqul Berdiyev ("Nasaf") Qarshiliklar bosh murabbiyi aprel oyida jamoasi bilan ajoyib natijalarga erishdi. "Nasaf" jami 6 ta uchrashuv o‘tkazib, 5 ta bahsda g‘alaba qozondi va faqat bitta mag‘lubiyat qayd etdi. Berdiyev shogirdlari bu o‘yinlarda 19 ta gol urib, raqiblariga bor-yo‘g‘i 6 ta gol kiritish imkonini bergan. Ilyos Zeytullayev ("Bunyodkor") "Qaldirg‘ochlar"ni boshqarayotgan Zeytullayev ham bu oy o‘z jamoasini yuqori sport formasiga olib chiqishga erishdi. "Bunyodkor" 6 ta o‘yinda ishtirok etib, ularning 4 tasida zafar quchdi va 2 ta bahsda durang qayd etdi. Jamoa ishonchli himoya bilan ajralib turib, raqiblari darvozasiga 7 ta gol urib, faqat bitta gol o‘tkazib yubordi. Ivan Boshkovich ("So‘g‘diyona") Jizzaxliklar bosh murabbiyi Boshkovich rahbarligida aprel oyini yuqori darajada o‘tkazdi. "So‘g‘diyona" 6 o‘yinda maydonga tushib, 4 ta bahsda g‘olib chiqdi, 1 ta uchrashuvni durang bilan yakunladi va 1 ta o‘yinda mag‘lub bo‘ldi. Jamoaning umumiy to‘plar farqi esa 13:4 ni tashkil etdi. Vadim Abramov ("Dinamo") Tajribali mutaxassis Abramov boshchiligidagi Samarqandning "Dinamo" jamoasi 5 ta bahs o‘tkazib, 3 tasida g‘alaba qozongan bo‘lsa, yana 2 o‘yinni durang bilan yakunladi. Bu jamoaning aprel oyidagi natijalarida 7 ta gol urilgan bo‘lib, darvozasiga atigi 3 ta gol o‘tkazilgan. Endi esa, muxlislar va ekspertlarning fikri asosida ushbu to‘rt nomzoddan bir nafari aprel oyining eng yaxshi murabbiyi sifatida taqdirlanadi. G‘olib murabbiy ovoz berish natijalaridan so‘ng PFL tomonidan rasman e’lon qilinadi. Sizningcha, aprel oyining eng yaxshi murabbiyi kim bo‘ladi?

2-4 may kunlari Superligada 8-tur o‘yinlari o‘tkaziladi. Rejalashtirilgan 8 ta o‘yin ham o‘ziga xos intrigalarga sabab bo‘lmoqda. Har bir uchrashuvga e’tibor chindan yuqori. Quyida ushbu juftliklar o‘rtasida bo‘lib o‘tadigan o‘yinlar haqida mutaxassis fikrlari bilan tanishishingiz mumkin. 2 may 18:15. “Xorazm” – “Nasaf” Turni “Xorazm” – “Nasaf” qarama-qarshiligi boshlab beradi. Jizzaxda bo‘lib o‘tadigan bahsda “Xorazm” nominal mezbon vazifasida bo‘ladi. Qiziqarli intriga. Hakim Fuzaylov jamoasi oxirgi bor ikkinchi turda “Surxon” ustidan g‘alaba qozongan. Shundan beri ular muxlislarini xursand qila olmayapti. “Nasaf” ushbu uchrashuv favoriti hisoblanadi. “Xorazm” bu o‘yinda durang o‘ynasa ham ijobiy natija sifatida qabul qilinishi tabiiy. 20:30. “Bunyodkor” – “Qo‘qon-1912” Ilyos Zeytullayev jamoasi yaxshi taassurot qoldiryapti. O‘tgan turda mag‘lubiyat nimaligini bilmay kelayotgan OKMKni mag‘lub etishdi. “Bunyodkor” ham hali chempionatda yutqazgani yo‘q. Pro ligadan Superligaga qaytgan jamoalar orasida “Qo‘qon-1912”ning o‘yini ancha tajovuzkor ko‘rinyapti. Shu bois “Bunyodkor” maydonida keskin ruhdagi uchrashuv guvohiga aylanamiz. Kichik ustunlik esa mezbonlarda. 3 may 18:00. “Buxoro” – “Mash’al” O‘tgan yili pro ligada kurash olib borishgan bu ikki klub endi Superligada o‘zaro to‘qnash keladilar. “Buxoro” o‘tgan turda Namanganda yirik hisobda imkoniyatni boy bergach, bosh murabbiy Ulug‘bek Baqoyev rahbariyatdan iste’fo so‘rashi haqida matbuot anjumanida aytib o‘tgandi. Ammo hozircha bu narsa ro‘y bermadi va uning o‘zi jamoani o‘yinga tayyorlamoqda. “Mash’al”ga qarshi uchrashuvda “Buxoro”ni g‘alabadan boshqasi qanoatlantirmaydi. Muborakliklar ham sovg‘a emas. Imkoniyatlar teng baholanmoqda. 19:30. OKMK – “Andijon” Bizni yana bir qiziqarli bellashuv kutmoqda. Oxirgi paytlarda mag‘lubiyatlar girdobiga tushib qolgan “Andijon” bu safar Olmaliqda Mirjalol Qosimov boshchilik qilayotgan OKMKga qarshi maydonga tushadi. Bu o‘yinda jamoalarning ruhiy tayyorgarligi asosiy o‘ringa chiqadi. O‘tgan turda ikkalasi ham mag‘lubiyatga uchrashdi. Muxlislarni juda keskin ruhdagi bellashuv kutmoqda. 20:15. “Surxon” – “Paxtakor” Turning markaziy uchrashuvlaridan biri desak adashmagan bo‘lamiz. “Paxtakor” omadsiz startdan keyin endi o‘ziga kelayotganga o‘xshayapti. Biroq ularni Termizda og‘ir o‘yin kutayotganiga shubha yo‘q. “Surxon”da ham, “Paxtakor”da ham chempionatda hozirgacha 4 ta mag‘lubiyat bor. “Surxon” o‘z uyida kuchli raqibga qarshi ochiq jang taklif qiladimi yoki yopiq o‘yin ko‘rsatib, qarshi hujumlardan omadini izlaydimi? “Paxtakor” esa hujumkor o‘yin ko‘rsatishi aniq. Hozircha imkoniyatlar teng! 4 may 18:00. “Neftchi” – “So‘g‘diyona” Vitaliy Levchenko jamoasi bu safar Ivan Boshkovich boshchiligidagi “So‘g‘diyona”ga qarshi bahs olib boradi. Jiddiy o‘yin bo‘ladi. Chempionlik uchun kurashayotgan “Neftchi” o‘tgan safar uyida “Paxtakor”ga 0:4 hisobida mag‘lubiyatga uchragach, muxlislarini qattiq ranjitib qo‘ygandi. Farg‘onaliklarning o‘tgan turda Samarqandda “Dinamo”ga qarshi bo‘lib o‘tishi kerak bo‘lgan uchrashuvi qoldirilgan. Levchenko jamoasi bor e’tiborini “So‘g‘diyona” bilan o‘yinga qaratgan. Bu safar ham ochko yo‘qotsa Levchenkoga yana tanqid toshlari otiladi. Lekin Boshkovich jamoasini yengish oson ish emas. 19:00. “Qizilqum” - “Navbahor” Nihoyat, “Qizilqum” jamoasi o‘z uyiga – Navoiyga qaytmoqda. 4 may kuni “Navbahor”ga qarshi bellashuv “Yoshlar sport majmuasi”da bo‘lib o‘tadi. “Qizilqum” o‘tgan turda Qarshida “Nasaf”dan javobsiz 4 ta gol o‘tkazib yuborgandi. Bu safar esa o‘z uyidagi ochilish o‘yinida navoiyliklar ishqibozlari ko‘z o‘ngida ijobiy natija uchun bor kuchini sarflashi shubhasiz. 20:15. “Sho‘rtan” – “Dinamo” Superligada g‘alaba qozonmagan birgina “Sho‘rtan” qoldi. To‘g‘ri, yaqinda O‘zbekiston Kubogi guruh bosqichida "Sho‘rtan" "Olimpik"ni qabul qilib 3:0 hisobida ustun keldi. Lekin hali chempionatda bunday ishni uddalay olmayapti. Anvar Berdiyev jamoasi bu mavsumda hali mag‘lubiyatga uchramagan “Dinamo”ni yengishga urinib ko‘radi. G‘uzorliklar o‘z uyiga qaytdi va muxlislari ko‘z o‘ngida o‘ynaydi. Lekin Vadim Abramov jamoasi ancha xavfli va hujumkor o‘yin namoyish qilyapti. Tajriba borasida “Dinamo” ustunroq. “Sho‘rtan” esa katta ishtiyoq evaziga nimagadir erishishi mumkin, qolganini vaqt ko‘rsatadi.

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Ozarbayjonda 2025 yil iyul oyidan boshlab qarindoshlar nikohi qonun bilan taqiqlanganidan so‘ng to‘ylar soni sezilarli darajada kamaydi. Bu haqda Zamin.uz xabar berdi. Masalan, iyun oyida 5 mingdan ortiq nikoh qayd etilgan bo‘lsa, iyul oyida bu ko‘rsatkich 2 694 taga tushdi. Mutaxassislar bu o‘zgarishlarni yaqindan qarindoshlar o‘rtasidagi nikohlarni taqiqlovchi qonunning kuchga kirishi bilan bog‘lamoqda. Qonunga ko‘ra, umumiy bobosi yoki buvasi bo‘lgan aka-uka va opa-singil farzandlari, shuningdek, biologik qarindosh bo‘lgan amakivachchalar va xolavachchalar o‘rtasida nikoh to‘liq man etilgan. Ushbu qonunning asosiy maqsadi genetik nuqsonlar bilan tug‘iladigan bolalar sonini kamaytirish va sog‘lom avlodni ta’minlashdir. Tibbiyot mutaxassislari ta’kidlaganidek, qarindoshlar o‘rtasidagi nikohlar ko‘pincha irsiy kasalliklar yuzaga kelishiga sabab bo‘ladi, bu esa kelajak avlod sog‘lig‘iga salbiy ta’sir ko‘rsatadi. Ozarbayjon Adliya vazirligining ma’lumotlariga ko‘ra, 2025 yilning yanvaridan iyuligacha mamlakatda 12 146 ta ajrim holati qayd etilgan, bu ko‘rsatkich o‘tgan yilga nisbatan biroz kamaygan. Har 1000 kishi hisobiga ajrimlar darajasi 2,1 dan 2,0 ga tushgan. Yangi qonunga muvofiq, nikoh tuzish uchun ariza berayotgan shaxslar qarindoshlik darajasini aniqlash maqsadida tug‘ilganlik haqidagi guvohnoma hamda ota-onalarining hujjatlarini taqdim etishlari shart. Agar qonun buzilishi aniqlansa, bunday holatlar uchun ma’muriy yoki jinoiy javobgarlik belgilanadi. Ushbu qoidalar sog‘lom va barqaror jamiyat qurishga xizmat qiladi.

Hurmatli Yashnobod, Mirobod, Yakkasaroy, Chilonzor, Yunusobod, Shayxontohur, Sergeli va Mirzo Ulug‘bek tumanlari aholisiga ma’lumot. Bu haqda Zamin.uz xabar berdi. “Veolia Energy Tashkent” MCHJ tomonidan o‘tkaziladigan profilaktika va texnik xizmat ko‘rsatish ishlari sababli 15 sentyabrdan 19 sentyabrgacha ayrim hududlarda issiq suv ta’minoti vaqtincha to‘xtatiladi. Ushbu ishlar tizimni qishki mavsumga tayyorlash, texnik holatini yaxshilash va xavfsizlikni ta’minlash maqsadida amalga oshirilmoqda. Issiq suv ta’minoti to‘xtatiladigan hududlar qatoriga Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Cho‘lpon va Alimkent ko‘chalari kiradi. Shuningdek, Tuzel–1 va 4, Uysizlar–1, Asalobod–1,2, Aviasozlar shaharchasi (1, 1A, 2, 3, 4) massivlari ham ta’sirlanadi. Bundan tashqari, Amir Temur, Mustaqillik shoh, Sharof Rashidov, Navoiy, Bobur, Shota Rustaveli, Katta Chilonzor, Muqimiy, Seul, Nurafshon, Afrosiyob va boshqa ko‘chalarda ham issiq suv ta’minoti vaqtincha uziladi. Shu bilan birga, Ts–1, 2, 4, 5, 7, Oqtepa, Chilonzor (1–5, 7, E, I), Qushbegi va Uchuvchilar shaharchasi hududlari ham ta’sirda bo‘ladi. Kompaniya ma’lumotiga ko‘ra, ushbu profilaktika ishlari tizim barqarorligini ta’minlash, xizmat sifatini oshirish va kelgusi qish mavsumida aholiga uzluksiz xizmat ko‘rsatish uchun muhimdir. Fuqarolardan vaziyatni tushunib, sabr bilan intizor bo‘lishlari so‘raladi. Ma’lumot manbai: veolia.uz.

Barcelona jamoasining qanot hujumchisi Lamin Yamal hanuzgacha old tizza suyagi bilan bog‘liq muammolarga duch kelmoqda. Bu haqda Euro-football.ru xabar berdi. Klubning tibbiy shtabi uning holatini diqqat bilan nazorat qilmoqda va 18 yoshli futbolchining maydonga tezda qaytishini majburlash niyatida emas. Mundo Deportivo nashrining ma’lumot berishicha, Yamal 18 sentyabr kuni bo‘lib o‘tadigan Chempionlar ligasining Newcastle jamoasiga qarshi o‘yinda ishtirok eta olmaydi. Bundan tashqari, 21 sentyabrda Hetafe va 25 sentyabrda Real Oviedo jamoalariga qarshi o‘yinlarda ham uning maydonga tushishi shubhali hisoblanadi. Eng real variant sifatida, Lamin 28 sentyabrda Real Sosiedadga qarshi o‘yinda biroz maydonga chiqib, 1 oktabrda bo‘ladigan Parij Sen-Jermen bilan o‘yinga to‘liq tayyor bo‘lishi ko‘zda tutilmoqda. Chempionlar ligasidagi PSGga qarshi o‘yin Yamal uchun tiklanish jarayonidagi asosiy maqsad hisoblanadi. Klub mutaxassislari futbolchining sog‘lig‘ini birinchi o‘ringa qo‘yib, uning sog‘lom holatda maydonga qaytishini ta’minlashga harakat qilmoqda.

Turk seriallari nafaqat mamlakat ichida, balki butun dunyoda keng auditoriyaga ega. Bu haqda Zamin.uz xabar berdi. Shu sababli, ularda bosh rollarni ijro etuvchi aktyor va aktrisalar ham katta daromad oladi. Quyida eng ko‘p gonorar oladigan turk aktyorlari ro‘yxati keltirilgan. Birinchi o‘rinda Can Yaman turadi. U Italiya va Lotin Amerikasi kabi hududlarda ham mashhur bo‘lib, bir seriya uchun taxminan 5 million turk lirasini oladi. Bu miqdor yevro hisobida 150 mingga teng. Can Yaman serial va reklama loyihalarida katta talabga ega. Ikkinchi o‘rinda Çağatay Ulusoy bor. Uning gonorari bir seriya uchun 3,5 million lira, ya’ni taxminan 105 ming yevro. Çağatay Netflix va boshqa yirik platformalarda o‘zini ko‘rsatgan, shuningdek, xalqaro darajada mashhurlikka ega. Bu esa seriallarning eksport qiymatini oshiradi. Uchinchi o‘rinda Kıvanç Tatlıtuğ turadi. U klassik turk superstari hisoblanib, yuqori byudjetli loyihalarda qatnashadi. Uning bir seriyaga oladigan maoshi 3 million lira, taxminan 90 ming yevroga teng. To‘rtinchi o‘rinda Serenay Sarıkaya bor. Uning ijodiy qirralari va reklama sohasidagi muvaffaqiyatlari uni serial prodyuserlari uchun qimmatbaho qiladi. Serenayning bir seriyadagi gonorari 2,5 million lira, ya’ni 75 ming yevro atrofida. Beshinchi o‘rinda Demet Özdemir joylashgan. U komediya va dramatik rollarda o‘zining ko‘p qirrali mahoratini namoyish etib, bir seriya uchun 2 million lira oladi. Shuningdek, Demet reklama va brend hamkorliklari orqali qo‘shimcha daromad ham topadi. Oltinchi o‘rinda Hande Erçel bor. U turk seriallarining eng mashhur yulduzlaridan biri hisoblanadi. Hande bir seriya uchun taxminan 2 million lira, ya’ni 65 ming yevro atrofida gonorar oladi. Bundan tashqari, u reklama kampaniyalari va brend hamkorliklari orqali qo‘shimcha daromadga ega. Shu tariqa, turk seriallari yulduzlari nafaqat o‘z mamlakatida, balki xalqaro miqyosda ham katta e’tiborga ega bo‘lib, ular oladigan gonorarlar ham rekord darajada yuqori. Bu esa serial sohasining rivojlanishi va eksport salohiyatining oshishiga xizmat qiladi.

Tailandda 21 yoshli erkak 11 oylik qizini jonli efirda osib o‘ldirdi. Bu haqda Zamin.uz xabar berdi. Bu haqda The Mirror nashri xabar berdi. Hodisa Facebook ijtimoiy tarmog‘idagi jonli videotranslyatsiya vaqtida sodir bo‘lgan. Erkak avval qizini osib o‘ldirgan, so‘ngra o‘z joniga qasd qilgan. Ushbu voqea jamoatchilik orasida katta shov-shuvga sabab bo‘ldi. Politsiya xodimlari ota va qizning jasadini Pxuketdagi tashlandiq mehmonxonada topdi. Dastlabki ma’lumotlarga ko‘ra, erkakning bu qotillik harakati uning rafiqasi bilan yuzaga kelgan nizo sabab bo‘lgan. Hodisa ota-ona va oila munosabatlaridagi muammolarni yana bir bor ochib berdi. Bu voqea ota-onalar va oilalarga internet va ijtimoiy tarmoqlardagi xavflarga nisbatan ogohlikni oshirish zarurligini ko‘rsatmoqda. Jonli efirda bunday nopok harakatlarni namoyish qilish psixologik va ijtimoiy salbiy oqibatlarga olib kelishi mumkin. Hozirda voqea Pxuketdagi huquq-tartibot organlari tomonidan tergov qilinmoqda. Ota-onalarga farzandlarining xavfsizligini ta’minlash, internetda ehtiyotkorlik bilan harakat qilish hamda oilaviy muammolarni hal etish muhimligi yana bir bor eslatilmoqda.

Ertaga, 18-sentyabr kuni, Yer sayyorasiga 2025-yildagi eng yirik asteroidlardan biri yaqinlashishi kutilmoqda. Bu haqda Zamin.uz xabar berdi. Quyosh astronomiyasi laboratoriyasining rasmiy ma’lumotlariga ko‘ra, “2025 FA22” nomli asteroid Toshkent vaqti bilan soat 12:00 atrofida Yerdan Oy orbitasining diametridan biroz kengroq masofada o‘tib, sayyoraga eng yaqin nuqtaga yetadi. Ushbu kosmik obyektning o‘rtacha diametri 166 metr, uzunligi esa 290 metrni tashkil qiladi. Massasi jihatdan u “Chelyabinsk” meteoritidan taxminan 1000 marta katta hisoblanadi. Rossiya Fanlar akademiyasining Kosmik tadqiqotlar instituti olimlari fikricha, bu asteroid 2025-yilda Yer yaqinidan million kilometrdan kamroq masofada o‘tadigan eng yirik va diqqatga sazovor kosmik jismlardan biridir. Shu bilan birga, Yer uchun xavfli jismlar ro‘yxatiga kiritilgan ko‘pchilik asteroidlarda bo‘lgani kabi, bu obyektning sayyora bilan to‘qnashuv ehtimoli juda past hisoblanadi. Olimlarning ta’kidlashicha, asteroidning harakatini teleskop yordamida aniq kuzatish deyarli imkonsizdir. Akademik astrofiziklar “to‘qnashuv ehtimoli amaliy jihatdan nolga teng”ligini bildiradilar, chunki asteroid orbitasini qisqa vaqt ichida tubdan o‘zgartirishi mumkin bo‘lgan holatlar kombinatsiyasini tasavvur qilish qiyin. Bu esa aholi va olimlar uchun qo‘rquvsiz kuzatish imkonini yaratadi. Shuningdek, oldinroq 2025 PM nomli, diametri 50 metr bo‘lgan asteroidning Yer yaqinidan o‘tishi haqida ham ma’lumot berilgan edi. Bu kabi kuzatuvlar orqali kosmik jismlarning harakatini aniqlash va Yer xavfsizligini baholash imkoniyati kengaymoqda. Shunday qilib, olimlar sayyoramizni himoya qilish uchun muntazam ravishda kosmik obyektlarni kuzatishda davom etmoqda.