O‘zbekiston yo‘llarida Chevrolet avtomobillari yetakchilik qilmoqda. 2024-yilda mamlakatda eng ko‘p sotilgan modellar orasida Chevrolet Cobalt, Chevrolet Damas, Chevrolet Tracker, va Chevrolet Onix bor.
Chevrolet Cobalt – ishonchli va tejamkor sedan. Keng salon, yuqori yoqilg‘i samaradorligi va arzon texnik xizmat bilan ajralib turadi. Ushbu modeldan 127 240 dona sotilgan.
Chevrolet Damas – kichik biznes uchun ideal transport vositasi. Kompakt o‘lchami, yuk va yo‘lovchi tashish uchun moslashganligi bilan mashhur. Yil davomida 106 001 dona sotilgan.
Chevrolet Tracker – zamonaviy va ixcham krossover. Yuqori texnologik imkoniyatlar, xavfsizlik va zamonaviy dizayni bilan e’tiborni tortadi. 37 903 dona xarid qilingan.
Chevrolet Onix – shahar hayoti uchun mo‘ljallangan avtomobil. Yuqori xavfsizlik, tejamkor yoqilg‘i sarfi va qulay boshqaruv tizimi bilan 33 644 dona sotilgan.
Bu ko‘rsatkichlar Chevrolet brendining O‘zbekistondagi ommabopligini yana bir bor tasdiqlaydi.
