Chevrolet Cobalt savdosi 24,7% ga oshdi

2024-yil yakunlariga koʻra, Chevrolet Cobalt Oʻzbekiston avtomobil bozorida yetakchilikni saqlab qoldi. Focus2Move tahlilchilarining maʼlumotlariga koʻra, ushbu avtomobil savdosi yillik 24,7% oʻsish qayd etdi.

Ikkinchi oʻrinda Daewoo Damas joy oldi, uning savdosi 58,8% ga oshdi.

Chevrolet mamlakat bozorining 58,5% ulushini egallab, yil yakunida 1,2% oʻsishga erishdi. Daewoo esa 21,9% ulush bilan ikkinchi oʻrinda qoldi va yil davomida 39,4% oʻsdi. Uchinchi oʻrin Kia kompaniyasiga nasib etdi.

Oʻzbekistonda toʻrtinchi eng ommabop avtomobil brendi Xitoyning BYD kompaniyasi boʻldi. Ushbu brendning savdosi yil davomida 113,2% oʻsdi.

Shuningdek, tahlilchilar Oʻzbekistonda elektromobillar bozori 7,1% oʻsganini qayd etdi. Elektromobillar umumiy transport vositalarining 7% ini tashkil etmoqda. Segment yetakchisi BYD boʻlib qoldi, ikkinchi oʻrinda BAIC, uchinchi oʻrinda esa Tesla joy oldi.