Novosibirsk teatrlari O‘zbekistonda spektakl ko‘rsatadi
13 apreldan 22 aprelygacha Farg‘ona, Samarqand va Toshkent shaharlarida yosh tomoshabinlar uchun 18 ta qiziqarli spektakl namoyish etiladi. Bu haqida Upl.uz xabar berdi.
Novosibirsk viloyat qo‘g‘irchoq teatrining aktyorlari O‘zbekistonga gastrol safariga kelib, kichik tomoshabinlarni o‘z san’ati bilan quvontiradi. Ushbu davr mobaynida teatr truppasi mamlakatning uchta shahrida 18 ta spektaklni taqdim etadi.
Gastrol dasturi doirasida yosh teatr ixlosmandlariga ikki muhim asar ko‘rsatiladi. Ulardan biri ko‘plab avlodlarga tanish bo‘lgan mehribon va tarbiyaviy ahamiyatga ega «Aybolit» asari, ikkinchisi esa sehrli voqealar va kutilmagan burilishlarga boy «O‘rmon sarguzashtlari» spektaklidir.
Bu namoyishlar yosh tomoshabinlarning madaniy saviyasini oshirish, ular orasida teatr san’atiga bo‘lgan qiziqishni kuchaytirishga xizmat qiladi. Shuningdek, ushbu tadbir yosh avlodni ma’naviy jihatdan boyitish va ularni ijobiy tarbiyalashda muhim o‘rin tutadi.
