O‘zbekiston Respublikasi Prezidenti Shavkat Mirziyoyev 17 mart kuni Amerika Qo‘shma Shtatlari Kongressi a’zosi, O‘zbekiston bilan hamkorlik bo‘yicha parlament kokusi ishtirokchisi Kerol Miller boshchiligidagi delegatsiyani qabul qildi.
O‘zbekiston bilan AQSH o‘rtasidagi strategik sheriklik va ko‘p qirrali hamkorlik munosabatlarini yanada rivojlantirish va kengaytirish masalalari ko‘rib chiqildi.
Uchrashuv avvalida parlament a’zosi davlatimiz rahbariga AQSH Prezidenti, Kongress rahbariyati va O‘zbekiston bo‘yicha kokus a’zolarining salomi va eng ezgu tilaklarini yetkazdi.
Ikki tomonlama hamkorlikda yuqori darajaga erishilgani katta mamnuniyat bilan qayd etildi. Faol siyosiy muloqotlar va idoralararo almashinuvlar davom etmoqda. Keyingi yillarda tovar ayirboshlash va investitsiyalar hajmi bir necha barobar ortdi, biznes kooperatsiyasi kuchaymoqda.
Toshkent shahrida Vebster universiteti va Amerika texnologiya universiteti faoliyat ko‘rsatmoqda. Bundan tashqari, transport, bojxona, migratsiya, madaniyat va boshqa ustuvor yo‘nalishlarda o‘zaro manfaatli hamkorlik amalga oshirilmoqda.
Kerol Miller Yangi O‘zbekistonda amalga oshirilayotgan islohotlar strategiyasi, jumladan, iqtisodiyotni modernizatsiya qilish, demokratik institutlarni, eng avvalo, parlamentni mustahkamlash, gender tenglikni ta’minlash borasidagi ishlar natijalarini yuksak baholadi.
Iqtisodiy va investitsiyaviy loyihalarni, shu jumladan tog‘-kon, sanoat, energetika, qishloq xo‘jaligi sohalaridagi loyihalarni qo‘llab-quvvatlash va ilgari surish maqsadida parlamentlararo hamkorlikni kengaytirishga alohida e’tibor qaratildi.
O‘zbekiston hududlarining Amerika shtatlari bilan sheriklik aloqalarini yo‘lga qo‘yish muhimligi qayd etildi.
Mintaqaviy kun tartibidagi dolzarb masalalar va Afg‘onistondagi vaziyat yuzasidan ham fikr almashildi.
O‘xshash yangiliklar
Pokistonda ayollar maoshi erkaklardan 34 foiz kam
Xalqaro Mehnat Tashkilotining (ILO) yangilangan hisobotiga ko‘ra, Pokistondagi gender bo‘yicha maosh farqi yanada mustahkamlandi va mamlakat Janubiy Osiyo mintaqasida erkaklar va ayollar o‘rtasidagi
Noqonuniy mining-ferma faoliyati fosh qilindi
Bosh prokuratura huzuridagi departament matbuot xizmati tomonidan ma’lum qilinishicha, noqonuniy mining-ferma tashkil etgan fuqaro aniqlangan. Bu haqida Upl.uz xabar berdi. Bulakbashi tuman
Oziq-ovqat xavfsizligi qonuni birinchi o‘qishda rad etildi
Oliy Majlis Qonunchilik palatasi 1997 yildan beri amal qilayotgan oziq-ovqat mahsulotlari xavfsizligi sohasidagi normativ-huquqiy bazani tubdan yangilash maqsadida taqdim etilgan yangi qonun
American Airlines samolyotida yong‘in yuz berdi
American Airlines aviakompaniyasiga tegishli Boeing 737 Max samolyoti AQSh hududida uchish vaqtida murakkab vaziyat yuz berdi. Bu haqida Zamin.uz xabar berdi. Laynerning shassi qismida kutilmagan
UzAuto yangi Chevrolet Tahoe krossoverini taqdim etdi
UzAuto Motors kompaniyasi mahalliy bozorga yangilangan flagman krossoveri Chevrolet Tahoe modelini taqdim etdi. Bu haqida Upl.uz xabar berdi. Avtomobil eng yuqori High Country to‘plamida sotuvga
