Bu g‘oya Ispaniya hamkorlaridan taklif etildi. O‘zbekiston va Ispaniya yashil transport va avtomobilsozlik sohasida hamkorlik qiladi, deb “Dunyo” xabar berdi.
Ma’lumotlarga ko‘ra, O‘zbekiston elchisi Farrux Tursunov va ispan kompaniyasi UNVI bosh direktori Eloy Peres ushbu masalani muhokama qildilar.
Tomonlar avval foydalanilgan Mercedes Conecto avtobuslarini elektrobuslarga aylantirish loyihasiga alohida e’tibor qaratishdi. Shuningdek, loyiha doirasida mutaxassislarni o‘qitish va ilg‘or texnologiyalarni O‘zbekistonga olib kirish rejalashtirilgan.
Kompaniya rahbari O‘zbekistonda shahar, shaharlararo va turistik avtobuslar hamda mikroavtobuslar ishlab chiqarishni yo‘lga qo‘yish bo‘yicha hamkorlik qilishga qiziqish bildirdi. U uchrashuv yakunida SamAvto zavodi bazasida hamkorlik loyihasini ishlab chiqishni taklif qildi.
Bundan avval, Toshkent avtobuslarida ayol haydovchilar soni ko‘paytirilishi haqida xabar berilgan edi. 2025 yilda Toshshahartansxizmat kompaniyasi 500 nafar yangi ayol haydovchini o‘qitishni rejalashtirmoqda.
