Yangiliklar

Foto: ozodlik.org 2025 yil 1 fevraldan Oʻzbekistonda “Ona maskani” xizmati yoʻlga qoʻyiladi. Bu haqda prezidentning 2024 yil 14 noyabrda qabul qilingan PF-185-sonli farmonida belgilab qoʻyilgan. Qonunchilikka ogʻir hayotiy vaziyatda va yaqin qarindoshlari koʻmagisiz qolgani uchun farzandini tarbiyalashdan voz kechmoqchi boʻlgan onalar, shu jumladan, homilador ayollar uchun bolalar uylarida “Onalar maskani” xizmati yoʻlga qoʻyiladi. “Onalar maskani”da: ogʻir hayotiy vaziyatga tushib qolgan onalar va ularning bolalari (4 yoshga toʻlmagan) 1 yilgacha boʻlgan muddatga ijtimoiy shartnoma asosida vaqtincha boshpana bilan ta'minlanadi; ogʻir hayotiy vaziyatga tushib qolgan onalarga ijtimoiy, huquqiy, psixologik va tibbiy xizmatlar koʻrsatiladi, ularda onalik va kasbiy koʻnikmalar shakllantiriladi; “Inson” ijtimoiy xizmatlar markazlari ogʻir hayotiy vaziyatga tushib qolgan onalarning kasb-hunar egallashi va bandligini ta'minlashga koʻmaklashadi.

Statistika agentligi ma'lumotlariga koʻra, 2024 yil yakunlari boʻyicha Oʻzbekistonda oʻrtacha nominal hisoblangan maosh 5,357 million soʻmni tashkil etdi, bu oʻtgan yilga nisbatan 17,4% koʻpdir. Maoshlarning eng yuqori oʻsishi Toshkent shahrida qayd etildi, u erda oʻrtacha koʻrsatkich 9,07 million soʻmga etdi va 21,4% ga oshdi. Ikkinchi oʻrinda Navoiy viloyati (6,76 million soʻm, 15% oʻsish), undan keyin Toshkent viloyati (5,09 million soʻm, 12,2% oʻsish) joylashgan. Eng past oʻrtacha maosh Qashqadaryo viloyatida qayd etilgan - 3,78 million soʻm (12,2% oʻsish). Tarmoqlar boʻyicha maoshlar taqsimoti Eng yuqori oʻrtacha maoshlar moliya va sugʻurta sohalarida (15,26 million soʻm), axborot va aloqa sohasida (13,15 million soʻm) hamda transport va saqlash sohasida (8,11 million soʻm) kuzatilmoqda. Sanoatda oʻrtacha maosh 6,43 million soʻmni, savdo sohasida 6,23 million soʻmni, qurilishda esa 5,97 million soʻmni tashkil etadi. Eng past oʻrtacha maoshlar sogʻliqni saqlash va ijtimoiy xizmatlarda (3,41 million soʻm) hamda ta'lim sohasida (3,63 million soʻm) qayd etilgan. Axborot texnologiyalari va aloqa sohasidagi maoshlar Bu sohadagi koʻrsatkichlar ancha yuqori: kompyuter dasturlarini ishlab chiqish, maslahat va boshqa xizmatlar - 18,28 million soʻm; axborot xizmatlari - 16,9 million soʻm; aloqa - 10,91 million soʻm. Axborot va aloqa sohasida maoshlar boʻyicha etakchi hudud Toshkent boʻlib, u erda oʻrtacha koʻrsatkich 14,85 million soʻmni tashkil etdi (yildan-yilga 24,8% oʻsish). Ta'lim va sogʻliqni saqlash sohasidagi maoshlar Ta'lim sohasida eng yuqori oʻrtacha maosh oliy ta'lim muassasalarida qayd etilgan - 8,56 million soʻm, eng pasti esa maktabgacha ta'limda - 1,96 million soʻm. Texnika va kasbiy ta'limda oʻrtacha daromad 3,75 million soʻmni, umumta'lim maktablarida esa 3,58 million soʻmni tashkil etgan. Ta'lim sohasida eng yuqori oʻrtacha maosh Toshkentda (6,09 million soʻm), eng pasti esa Qashqadaryo viloyatida (3,02 million soʻm) qayd etilgan. Sogʻliqni saqlash va ijtimoiy xizmatlar sohasida ham Toshkent etakchi (4,31 million soʻm), Qashqadaryo viloyatida esa bu koʻrsatkich 2,68 million soʻmni tashkil qiladi. Manba: uz24.uz

TasteAtlas gastronomik entsiklopediyasi dunyoning eng yomon 100 ta taomi reytingi e'lon qildi. Ushbu roʻyxatda Oʻzbekiston va Qirgʻizistonda mashhur boʻlgan Shakarob (achchiq-chuchuk) salati 42-oʻrinni egalladi. TasteAtlas saytida Shakarob haqida quyidagicha izoh berilgan: “Shakarob – oddiy salat boʻlib, Oʻrta Osiyodan kelib chiqqan. Ayniqsa, Oʻzbekiston va Qirgʻizistonda mashhur. Unga pomidor, piyoz, tuz, maydalangan qizil va qora qalampir kiradi. Pomidor va piyoz yupqa qilib toʻgʻraladi, soʻngra ziravorlar qoʻshiladi va iste'mol qilishga tayyor boʻladi. Bu salat alohida portsiyalarda yoki goʻsht bilan guruchga garnir sifatida dasturxonga tortilishi mumkin.” Eng yomon taomlar reytingida birinchi oʻrinni Shvetsiyaning qonli blinchiklari – «Blodplettar» egallagan. Ikkinchi oʻrinda Finlyandiyaning «Blodpalt» taomi (javdar uni va hayvonlarning qoni yordamida tayyorlanadi), uchinchi oʻrinda esa Shvetsiyaning gamburger va kartoshka bilan toʻldirilgan «Kalskrov» pistsasi qayd etilgan. TasteAtlas butun dunyo boʻylab taomlar va mahsulotlar haqida ma'lumot toʻplaydigan gastronomik entsiklopediyadir. U foydalanuvchilar ovozi, mutaxassislarning sharhlari, mashhurlik, pazandachilik merosi kabi mezonlarni hisobga oladi. Reyting muntazam yangilanib boradi.

Senatning uchinchi yalpi majlisida «Oʻzbekiston Respublikasida xizmat koʻrsatgan ekolog» faxriy unvonini ta'sis etish toʻgʻrisida»gi Qonun koʻrib chiqildi. Soʻnggi yillarda barqaror rivojlanishning yangi talablaridan kelib chiqib, atrof-muhitni muhofaza qilish, ekologik barqarorlikni ta'minlash boʻyicha yangicha yondashuv asosida islohotlar amalga oshirilmoqda. Ekologik barqarorlikning muhim omili sifatida hududlarni koʻkalamzorlashtirish, daraxtlarni muhofaza qilish hamda yashil maydonlarni kengaytirish va saqlab qolish borasida tizimli choralar koʻrilmoqda. Orolning qurigan tubini yashil qoplamalar bilan qoplash, shuningdek, sanoat korxonalari va transport vositalari tashlamalarini qisqartirish borasida choralar koʻrilmoqda. Mazkur tadbirlar nafaqat yurtimiz, balki mintaqada ekologik barqarorlik maqsadlariga xizmat qilmoqda. Sohani rivojlantirishning kontseptsiyasi va uning yoʻnalishlari boʻyicha strategiyalar muvaffaqiyatli amalga oshirilmoqda. Ekologik barqarorlikni ta'minlashda davlat va jamoat organlari, keng jamoatchilik vakillari birgalikda sa'y-harakatlarni amalga oshirishmoqda. Sohada bevosita va bilvosita faoliyat olib borayotganlarni qoʻllab-quvvatlash va ularning mehnatlarini munosib ragʻbatlantirish maqsadida «Oʻzbekiston Respublikasida xizmat koʻrsatgan ekolog» faxriy unvonini ta'sis etish nazarda tutilmoqda. Mazkur faxriy unvon mamlakatimizda ekologiya va atrof-muhitni muhofaza qilish sohasini rivojlantirish, tabiatni asrab-avaylash, bioxilmaxillikni saqlash, iqlim oʻzgarishi oqibatlarini yumshatish, tabiiy resurslardan oqilona foydalanish va ularni qayta tiklash borasida salmoqli natijalarga erishgan fuqarolarga beriladi. Shuningdek, ushbu unvon bilan ekologik jihatdan toza va innovatsion texnologiyalarni ishlab chiqish hamda amaliyotga joriy etish, yashil hududlarni kengaytirish va koʻkalamzorlashtirish ishlarida alohida tashabbus koʻrsatgan, aholining ekologik madaniyatini oshirish, yosh avlodni tabiatga hurmat ruhida tarbiyalash hamda tizimda yuqori malakali kadrlarni tayyorlash borasida fidokorona mehnat qilayotgan mutaxassis-xodimlar va soha vakillari, ekofaollar ham taqdirlanadi. Qonun senatorlar tomonidan ma'qullandi.

Senat yalpi majlisida Mehnat kodeksiga oʻzgartirish va qoʻshimchalar kiritishni nazarda tutuvchi qonun koʻrib chiqildi. Mehnat kodeksida belgilangan xodim bilan tuziladigan mehnat shartnomasida koʻrsatiladigan rekvizitlari tarkibidan STIR (soliq toʻlovchining identifikatsiya raqami)ni koʻrsatish talabi chiqarib tashlanmoqda. Davlat organlari va tashkilotlari ishga qabul qilish chogʻida ishga kirayotgan shaxs taqdim etishi kerak boʻlgan hujjatlar toʻgʻrisidagi ma'lumotlarni tegishli davlat organlari va tashkilotlaridan mustaqil ravishda, shu jumladan axborot tizimlaridagi idoralararo integratsiyalashuv platformalari orqali soʻrab olishi belgilanmoqda. Ushbu norma oʻrindoshlik asosida ishga qabul qilishda ham tatbiq etiladi. Mehnat shartnomasini elektron shaklda ham tuzish mumkinligi koʻrsatilmoqda. Har yilgi mehnat ta'tili vaqti uchun haq toʻlashda hamda mehnat shartnomasi bekor qilinganda xodimga barcha foydalanilmagan har yilgi asosiy va qoʻshimcha mehnat ta'tillari uchun pulli kompensatsiya toʻlashda yakshanba kuni inobatga olinmasligi aniq belgilab qoʻyilmoqda. Shuningdek, homiladorligi yoki farzandlari borligi bilan bogʻliq sababga koʻra ishga qabul qilishni rad etish, ishdan boʻshatish yoki ularning ish haqini kamaytirish taqiqlanmoqda. Qonun senatorlar tomonidan ma'qullandi.

Markaziy bank 2025 yil 1 yanvar holatiga koʻra mamlakatning tijorat banklaridagi muammoli kreditlar (NPL) hajmi 21 trln 185 mlrd soʻmga etganini ma'lum qildi. Oʻzbekistonda tijorat banklarining kredit portfeli 2024 yili 533,1 trln soʻmni tashkil qildi. Davlat banklarida holat qanday? Davlat banklarida muammoli kreditlar hajmi 14 trln 344 mlrd soʻmni tashkil etmoqda. “Xalq banki” muammoli kreditlarini yil boshiga nisbatan 601 mlrd soʻmga, portfeldagi ulushini 7,6 foizdan 4,2 foizga kamaytirgan. “Mikrokreditbank” va “Biznesni rivojlantirish bank”larida ham NPL bir oz kamaygan. “Agrobank” (+832 mlrd soʻm), “Oʻzsanoatqurilishbank” (+561 mlrd soʻm) va “Oʻzmilliybank” (+177 mlrd soʻm)larda NPL miqdori boshqa davlat banklariga qaraganda jadalroq oʻsgan. Boshqa banklardagi vaziyat 1 yanvar holatiga boshqa banklarda muammoli kreditlar hajmi 6 trln 841 mlrd soʻmni tashkil etadi. 2024 yil davomida NPL'ning keskin oshishi “Ipoteka bank” (+1 trln 844 mlrd soʻm) hamda “Kapitalbank” (+1 trln 61 mlrd soʻm)da kuzatildi. “Hamkorbank” (+219 mlrd soʻm), “Anorbank” (+104 mlrd), “Davr bank” (+102 mlrd soʻm), “Trastbank” (+95 mlrd soʻm) va “TBC Bank” (+87 mlrd soʻm) larda muammoli kreditlar sezilarli oshgan. Foto: Markaziy bank ma'lumotlari 2024 yil 1 avgust holatiga koʻra, mamlakatning tijorat banklaridagi muammoli kreditlar (NPL) hajmi 20,82 trillion soʻmni (1,64 milliard dollar) tashkil etgani xabar qilingandi.

Foto: autodromium.com Koʻzoynak va kontakt linzalardan butunlay xalos boʻlishingiz mumkinligi haqida oʻylab koʻrganmisiz? Lazerli koʻz korrektsiyasi dunyoga aniq va ravshan nazar tashlashni orzu qilganlar uchun qutqaruvchi yoʻlga aylanmoqda. Qanday ishlaydi Lazerli korrektsiya rogovitsaning shaklini oʻzgartirish orqali nurlarning toʻgʻri tarzda setchatkaga yoʻnalishini ta'minlaydi. Xirurg lazer yordamida mikroskopik toʻqimalarni olib tashlab, koʻrishdagi nuqsonlarni bartaraf etadi. Jarayon bir koʻzga atigi 5-15 daqiqa vaqtni oladi va darhol natija beradi. Kimlar uchun mos Bu usul quyidagi holatlarda yordam beradi: - Blizoruklikda (miopiya) -12 dioptrigacha. - Dalnozorlikda +6 dioptrigacha. - Astigmatizmda +/-4 dioptrigacha. Shuningdek, linza taqishga yoki aynak kiyishga mos kelmaydigan kasb egalari uchun ham ajoyib echimdir. Qoʻllanilmaydigan holatlar Lazerli korrektsiya quyidagi holatlarda oʻtkazilmaydi: - 18 yoshga toʻlmaganlik. - Homiladorlik yoki emizish. - Quruq koʻz sindromi. - Glaukoma, katarakta, rogovitsa kasalliklari. - Faol infektsiyalar yoki yalligʻlanish holatlari. Tayyorgarlik Operatsiyadan 2-3 hafta oldin: - Linza taqishni toʻxtating. - Koʻzga tushadigan yuklamalarni kamaytiring. - Alkogol va yalligʻlanishga qarshi dori vositalarini iste'mol qilishni toʻxtating. Zarur analizlarni oʻtkazib, shifokor bilan maslahatlashing. Tiklanish Operatsiyadan soʻng quyidagilarga e'tibor berish muhim: - Koʻzlarni suv va chang bilan kontaktdan asrang. - Quyoshdan himoyalovchi koʻzoynak taqing. - Jismoniy yuklamalarni va gadjetlardan foydalanishni cheklang. Toʻliq tiklanish bir necha kundan ikki haftagacha davom etishi mumkin. Miflar va haqiqat Koʻpchilik ushbu jarayon koʻzga zarar etkazishi yoki tugʻmagan ayollar uchun tavsiya qilinmasligiga ishonadi. Aslida, lazerli korrektsiya xavfsiz va kelajakda koʻz sogʻligʻiga ta'sir qilmaydi. Nega lazerli korrektsiyani tanlash kerak - Tez tiklanish. - Uzoq muddatli natija. - Yara va ogʻriq yoʻqligi. - Koʻzoynak va linzalarni unutib yurish imkoniyati.

Markaziy bank xorijiy valyutalarning oʻzbek soʻmiga nisbatan 2025 yil 27 yanvarda amalda boʻladigan qiymatini e'lon qildi. Unga koʻra: - dollar 10,08 soʻmga pastlab, 12 967 05 soʻm boʻldi; - yevro 97,15 soʻmga koʻtarilib, 13 611,02 soʻm boʻldi; - funt-sterling 131,55 soʻmga koʻtarilib 16 117,94 soʻm boʻldi; - rubl 0,97 soʻmga oshib, 132,19 soʻmni tashkil etdi. Bundan avval dollar kursi 10,87 soʻmga pastlab, 12 979,13 soʻm boʻlgandi. Ushbu valyuta rasmiy kursi 2024 yilda 4,71 foizga qimmatlagan.

Binance bosh direktori Richard Teng 2025-yil kriptovalyuta bozori uchun burilish nuqtasi boʻlishini prognoz qildi. Davosda boʻlib oʻtgan Jahon iqtisodiy forumida chiqish qilgan Teng, AQShda Donald Tramp administratsiyasi davrida kutilgan reglament siyosatidan oʻzgarishlar sababli kriptoaktivlar sanoatida yuksalish boʻlishini ta'kidladi. Tengning aytishicha, Davos forumining ishtirokchilari orasida ham kriptovalyutalarga nisbatan ijobiy munosabat shakllanmoqda. Binance rahbari ijobiy oʻzgarishlar nafaqat AQSh prezidenti siyosati, balki mamlakat qonun chiqaruvchi organlarining umumiy yondashuvi bilan ham bogʻliq boʻlishini ta'kidladi. Ayniqsa, Tengning fikriga koʻra, SEC va CFTC rahbarlariga Pol Atkins va Brayan Kvintenning tayinlanishi dijital aktivlar uchun aniqroq tartibot asoslari yaratilishiga xizmat qiladi. Bitwise kompaniyasining tahlilchilari Binance rahbarining prognozlarini qoʻllab-quvvatladi. Ular bitkoinning potentsial "adolatli qiymatini" 219,000 dollar darajasida baholashdi. Ekspertlarning fikriga koʻra, yangi reglament muhitida token chiqarish, savdo operatsiyalari va raqamli aktivlar boshqaruvi kabi sohalarda rivojlanish uchun qulay sharoitlar yaratiladi.

Foto: Iqtisodiyot va moliya vazirligi Jahon banki oʻzining navbatdagi «Global iqtisodiy istiqbollar» hisobotini e'lon qildi. Unda global iqtisodiyot, shuningdek, Evropa va Markaziy Osiyo mintaqalaridagi tendentsiyalar, prognozlar va ehtimoliy xavflar tahlil qilingan. Hisobotga koʻra, Oʻzbekistonning yalpi ichki mahsuloti (YaIM) 2024 yil oxirida 6 foizga oʻsdi. Jahon bankining 2025 va 2026 yillarga oid prognozlariga koʻra, Oʻzbekiston iqtisodiyoti mos ravishda 5,8 va 5,9 foiz oʻsish sur'atlarini qayd etadi. Boshqa tomondan, Evropa va Markaziy Osiyo mintaqasida 2024 yilda iqtisodiy oʻsish sur'ati 3,2 foizgacha pasayishi kutilmoqda. Bu asosan Rossiya va Turkiyada iqtisodiy faoliyatning sekinlashishi bilan bogʻliq. Xomashyo narxlarining tushishi vaziyatni biroz yengillatgan boʻlsa-da, mehnat bozorlaridagi muammolar, ayniqsa, xizmat koʻrsatish sohasida ish haqiga bosim yuqori darajada saqlanib qolmoqda. Shuningdek, ekspertlar fikriga koʻra, Markaziy Osiyo mamlakatlari, jumladan, Tojikistonga pul oʻtkazmalari hajmi barqarorligicha qolmoqda. Bu aholi iste'mol darajasini saqlashga yordam bermoqda.

Markaziy bank 2025 yil 23 yanvardan valyutalarning yangi kursini belgiladi. AQSh dollari kursi 5,56 soʻmga oshib, 12 990,00 soʻm etib belgilandi. Evro kursi 127,86 soʻmga oshdi va 13 570,65 soʻm boʻldi. Funt-sterling kursi 156,20 soʻmga oshdi va 16 060,84 soʻm boʻldi. Rossiya rubli 131,86 soʻm etib belgilandi (+1,96). Qozogʻiston tengesi 24,98 soʻm boʻldi (+0,23).

Yanvar oyi 2025 yilda kriptovalyuta bozori hali ham oʻtgan yilning toʻrtinchi choragidagi kabi tezkor harakat qila olishini isbotladi. Bunda Bitcoin (BTC) oʻzgacha rol oʻynadi — uning narxi shu hafta $90,000 dan pastga tushib, bugun esa $108,800 ga etib yangi tarixiy rekordni qayd etdi. Memkoynlar qisqa umrli ekanini inobatga olsak, koʻplab treyderlar asosiy kriptovalyutaning kelgusidagi narx oʻzgarishlarini tushunib olishga harakat qilishmoqda. 5 ta sun'iy intellekt asosidagi model 20 yanvardan 4 fevralgacha boʻlgan davr uchun BTC narxini prognoz qilish topshirigʻini oldi. Toʻrtta ilgʻor model narx pasayishini bashorat qildi. ChatGPT-4o mini eng pessimistik prognozni taqdim etib, indeksning nisbiy kuchini (RSI) va oddiy harakatlanuvchi oʻrtachani (SMA) tahlil qilgan holda BTC narxi fevral boshida 9,4% ga tushib, $98,000 darajasida boʻlishini taxmin qildi. Oddiy ChatGPT-4o esa biroz optimistikroq boʻlib, 5,24% pasayishni va $102,500 darajasida narx boʻlishini bashorat qildi. Claude 3 Opus va Grok 2 Vision modellarining prognozlari ham ehtiyotkorona edi: birinchisi 3,04% pasayishni ($104,882), ikkinchisi esa 2,93% pasayishni ($105,000) taxmin qildi. Claude 3.5 Sonnet esa oʻz yoʻlini tanladi va Bitcoin narxi fevral boshida yangi rekord oʻrnatib, $112,500 ga etishini, ya'ni 20 yanvar holatidan 4,01% ga oshishini bashorat qildi. Sun'iy intellekt modellarining prognozlarida ma'lum mantiq bor, chunki narxlarning keskin oʻzgarishlaridan soʻng qisqa muddatli pasayish kuzatilishi odatiy holdir.

Markaziy bank xorijiy valyutalarning oʻzbek soʻmiga nisbatan 2025 yil 22 yanvarda amalda boʻladigan qiymatini e'lon qildi. Unga koʻra: - dollar 9,35 soʻmga koʻtarilib, 12 984,44 soʻm boʻldi; - yevro 69,36 soʻmga oshib, 13 442,79 soʻm boʻldi; - funt-sterling 103,58 soʻmga oshib, 15 904,64 soʻm boʻldi; - rubl 2,27 soʻmga koʻtarilib, 129,90 soʻmni tashkil etdi.

Etilen raketaning yoqilg‘isini ishlab chiqarishda qo‘llanilishi mumkin. “Shenchjou-19” missiyasi doirasidagi kosmonavtlar “Tyangun” orbital stansiyasida sunʼiy fotosintez bo‘yicha tarixiy eksperimentni muvaffaqiyatli o‘tkazishdi. Eksperiment natijasida kislorod va etilen olindi. Etilen raketaning yoqilg‘isi ishlab chiqarishda foydalaniladigan muhim modda hisoblanadi. Bu yutuq Xitoyning uzoq muddatli kosmos tadqiqotlariga, jumladan, 2030 yilga mo‘ljallangan Oyga qo‘nish dasturiga yaqinlashuvini taʼminlaydi. Kosmonavtlar uglekislota va suvni kislorodga aylantirish uchun yarimo‘tkazgichli katalizatorlardan foydalanishdi. Bu texnologiya oddiy harorat va bosim sharoitida samarali ishlaydi va energiya sarfini sezilarli darajada qisqartiradi. Xalqaro kosmik stansiyadagi anʼanaviy elektroliz texnologiyalariga nisbatan Xitoyning yangi ishlanmasi o‘simliklar fotosintezini imitatsiya qiluvchi kimyoviy va fizik usullarga asoslanadi, bu uzoq missiyalar uchun juda samarali yechim sanaladi.

Angliyaning yetakchi klublaridan biri "Manchester Siti" Abduqodir Husanov transferini rasman e’lon qildi. O‘zbekiston milliy terma jamoasining yosh va iqtidorli himoyachisi endi Xosep Gvardiola boshchiligidagi "shaharliklar" safida to‘p suradi. Futbolchimiz bilan klub o‘rtasida to‘rt yarim yillik shartnoma imzolandi. Mazkur transfer bo‘yicha "Manchester Siti" Frantsiyaning "Lans" klubiga taxminan 50 million yevro miqdorida mablag‘ to‘ladi. Bu O‘zbekiston futboli tarixidagi eng yirik transferlardan biri sifatida qayd etilmoqda. Husanovning yangi jamoasi bilan boshlaydigan faoliyati milliy va xalqaro miqyosda katta qiziqish uyg‘otmoqda.

Semizlik koʻplab kasalliklar, ayniqsa, yurak-qon tomir xastaliklari va diabet kabi xavfli holatlar bilan bogʻliq. Shu boisdan, koʻpincha, ortiqcha vazn inson umrini qisqartirishi haqida fikrlar uchraydi. Biroq, olimlar semizlikning hamma holatlarda ham umrni qisqartirmasligini koʻrsatuvchi ayrim holatlarni aniqladilar. Tadqiqotlar va natijalar Olimlarning soʻnggi tadqiqotlari shuni koʻrsatdiki, insonning umri faqat ortiqcha vazn bilan emas, balki uning hayot tarzi, jismoniy faolligi, ovqatlanish rejimi va genetik omillar bilan ham bogʻliq. AQShda oʻtkazilgan katta tadqiqotlardan biriga koʻra, ortiqcha vaznga ega boʻlgan, biroq jismoniy faol boʻlgan odamlar nisbatan uzoq umr koʻrishlari mumkin. Bu holatni olimlar "semizlik paradoksi" deb atashmoqda. "Semizlik paradoksi"ga koʻra, ba'zi odamlarda semizlik salbiy ta'sir koʻrsatmasligi yoki hatto ma'lum darajada muhofaza qilish xususiyatiga ega boʻlishi mumkin. Xususan: Yurak-qon tomir xastaliklari: Ortiqcha vaznga ega boʻlgan ayrim bemorlarda yurak kasalliklaridan tuzalish jarayoni nisbatan yaxshi kechishi mumkin. Katta yoshli odamlar: 65 yoshdan yuqori odamlar orasida biroz ortiqcha vazn suyak va mushak tizimini saqlashda yordam berishi mumkin. Muhim omillar Semizlik umrni qisqartirmasligi yoki hatto muhofaza qiluvchi rol oʻynashi uchun quyidagi omillar muhim ahamiyatga ega: Jismoniy faollik: Ortiqcha vaznga ega odamlar hayot tarzini faol saqlasa, ularda xavfli kasalliklar rivojlanish ehtimoli kamayadi. Ovqatlanishning muvozanati: Har kuni yuqori sifatli oziq-ovqatlarni iste'mol qilish organizmning sogʻlom faoliyatini ta'minlaydi. Tibbiy nazorat: Ortiqcha vaznga ega odamlar muntazam tibbiy koʻrikdan oʻtishsa, erta bosqichda kasalliklarni aniqlash va davolash imkoniyati oshadi. Semizlik har doim ham umrni qisqartirishini anglatmaydi. Bu holat insonning umumiy sogʻligʻi, hayot tarzi va genetik omillariga bogʻliq. Ammo semizlikni kamsitish yoki unga e'tiborsizlik qilish toʻgʻri emas. Har bir inson oʻz vaznini va sogʻligʻini nazorat qilishi, jismoniy faol boʻlishi va toʻgʻri ovqatlanishga ahamiyat berishi zarur. Siz oʻz salomatligingizni yaxshilash uchun jismoniy faol boʻlishga, yaxshi kayfiyatni saqlashga va turli xil muvozanatli ovqatlanishga harakat qiling. Shu orqali sogʻlom umr koʻrish va hayot sifatida yuqori natijalarga erishish mumkin.

Markaziy bank xorijiy valyutalarning oʻzbek soʻmiga nisbatan 2025 yil 21 yanvarda amalda boʻladigan qiymatini e'lon qildi. Unga koʻra: - dollar 8,09 soʻmga koʻtarilib, 12 975,09 soʻm boʻldi; - yevro 21,31 soʻmga oshib, 13 373,43 soʻm boʻldi; - funt-sterling 13,49 soʻmga kamayib 15 801,06 soʻm boʻldi; - rubl 1,14 soʻmga koʻtarilib, 127,63 soʻmni tashkil etdi.

Endi kompaniya bu erda QQS toʻlaydi. Toʻgʻrirogʻi, QQS ni xaridorlar toʻlaydi, chunki bu soliq tovarning yakuniy narxiga qoʻshiladi. eBay bilan birga QQS idorasida yana 63 ta xorijiy internet-kompaniya roʻyxatdan oʻtgan, jumladan: Netflix, Amazon, Google, Apple, Zoom va boshqalar. 2024 yilning 9 oyi davomida ushbu kompaniyalar Oʻzbekistonda jami 850 milliard soʻm daromad olib, 102 milliard soʻm soliq toʻlashgan. Umuman olganda, ularning yillik oʻsishi oʻrtacha ikki barobarni tashkil qiladi. Biroq, bu holat qanday boʻlishini vaqt koʻrsatadi, chunki elektron savdo kompaniyalariga Oʻzbekistonda yuridik shaxsga ega boʻlish majburiyati yuklandi. Hozircha eBay va Amazon da bunday yuridik shaxs mavjud emas.

Xonanda Jaloliddin Ahmadaliyev “Sayyod” YouTube kanaliga bergan intervyusida to‘ylardagi “birrov” xizmati narxi qanday belgilashini tushuntirib berdi. — Toshkentdagi to‘ylarda xizmat qilishimiz narxi 5 ming dollar etib belgilangan. Hozir sizga hammasini noldan isboti bilan aytaman. Birta “Yetmasmidi?” degan qo‘shig‘im bor. Shuning aranjirovkasi turklar tomonidan tayyorlangan. Bu qo‘shiq juda katta mablag‘ga tushgan. Qo‘shiqning o‘zining chiqishiga juda ko‘p pul sarflangan. Klipida Yigitali Mamajonov va Aysanem Yusupova ishtirok etgan. Ular ham bepul ishlamaydi. Mening 11 ta sozandam bor, o‘zim bilan birga 12 kishimiz. 5 ming dollarning ichida shuningchalik odamning rizqi bor. Keyin, men jonli aytaman. Toshkentdagi to‘ylarda jonli qo‘shiq kuylaydigan sanʼatkorlar barmoq bilan sanarli darajada kam. Biroq yana bir narsani aytish kerak. Biz hammaga bunday narxni qo‘ymaymiz. Odamlar telefon qilib: “Anuni anaqasimisan?” deydi yordamchimga. Kimning anaqasi? Kimning nimasi? Hech bo‘lmasa “Anuni administratorimisan yoki Jaloliddinning anaqasimisan?” desa ham bir tushunsa bo‘ladi. Bunday munosabat qilgan odamga administrator ham: “Ha, o‘shani anaqasiman” deb javob beradi va 5 yoki 6 ming dollar narx aytadi. Narx o‘zining munosabatiga qarab aytilgan. Lekin aslida xizmat haqimiz 5 ming dollar emas. Masalan, Toshkentda bir kunda 2-3 ta to‘y bo‘lib qolsa, juda arzon narxga kirib ketamiz. Jaloliddin Ahmadaliyev Toshkentga ko‘chib kelmasligining sabablari haqida ham so‘zladi. — Toshkentda uyim yo‘q. Toshkentga ko‘chib kelish niyatim ham yo‘q, chunki men ota-onamni tashlab keta olmayman. Ota-onam esa Toshkentda yashashni istamaydi.

Foto: iStock Bugungi kunda sogʻliqni saqlash sohasidagi muammolar tobora dolzarb boʻlib bormoqda. Yangi yil esa hayotimizni ijobiy tomonga oʻzgartirishlar bilan boyitish va sogʻlom odatlarni shakllantirish uchun ajoyib imkoniyatdir. Ushbu koʻnikmalar nafaqat jismoniy va ruhiy holatingizni yaxshilaydi, balki kundalik hayotingizdagi samaradorlikni oshirib, naqdingizni ham tejaydi. Kun davomida muntazam harakatda boʻling Zamonaviy turmush tarzida uzoq vaqt harakatsiz oʻtirish sogʻliq uchun asosiy xavfli omillardan biriga aylangan. 2025 yilda har bir kuningizni faolroq qilishga harakat qiling. Har ish soatida 10 daqiqalik tanaffus qiling, tongni yengil mashqlar yoki yoga bilan boshlang. Mashina haydashdan koʻra piyoda yurish yoki velosipedda ishga etib borishni sinab koʻring. Motivatsiya uchun fitnes-trekerlardan foydalanib, har kuni 8-10 ming qadam bosganingizni kuzatib boring. Etarlicha va sifatli uyqu boʻlishini ta'minlang Sogʻlom va tartibli uyqu — jismoniy va ruhiy farovonlikning asosi. Uyqu rejimingizni muvofiqlashtirish, ya'ni har kuni, hatto dam olish kunlari ham bir vaqtda yotish va turish muhimdir. Gadjetlardan foydalanishni yotishdan bir soat oldin toʻxtating, chunki smartfondagi nurlanish melatonin ishlab chiqarishni pasaytiradi. Yotoqxonangizni qulay va tinch makonga aylantiring va muntazam ravishda kitob oʻqish yoki meditatsiya kabi uyqudan avvalgi tinchlantiruvchi amallarni bajarishga odatlaning. Sogʻlom ovqatlanish odatlarini shakllantiring Foto: iStock Ovqatlanish tartibini nazorat qilib, sabzavotlar, mevalar, butun donlar, oqsillar va foydali yogʻlarni oʻz ichiga olgan muvozanatli ratsionni tanlash muhimdir. Shakar va qayta ishlangan mahsulotlarni cheklang. Uyda pishirilgan ovqatlarni iste'mol qilish orqali nafaqat pulni tejashingiz, balki mahsulotlaringiz sifatini shaxsan tekshirishingiz mumkin. Shuningdek, etarli miqdorda suv ichishga e'tibor qarating va kuniga kamida 1,5-2 litr suyuqlik ichishga harakat qiling. Ruhiy salomatlikni asrang Shahardagi tezkor hayot tarzi koʻpincha stress va charchoqqa olib keladi. Ruhiy barqarorlikni ta'minlash uchun meditatsiya qilish, minnatdorchilik daftarchasini yozib borish yoki hissiyotlaringizni qayd etishga vaqt ajrating. Bir vazifaga diqqatni jamlash odatini rivojlantiring va yaqinlaringiz bilan muloqot orqali ruhiy salomatligingizni qoʻllab-quvvatlang. Muntazam tibbiy koʻrikdan oʻting Foto: Alamy Profilaktik tekshiruvlar uzoq umr koʻrish, sogʻlom hayot hamda kutilmagan kasalliklarning oldini olishning eng maqbul echimidir. Hech boʻlmasa bir yilda bir marta umumiy tibbiy koʻrikdan oʻtish va shifokorlar tavsiyalariga amal qilish orqali yaqin kelajakda ehtimoliy katta xarajatlardan qutulishingiz mumkin. Ayniqsa, koʻzlar va tishlarga e'tiborliroq boʻling. Gadjetlardan dam olish uchun raqamli detoks qiling Gadjetlarga qaramlik asabiylik va diqqatsizlikka olib keladi. Ijtimoiy tarmoqlarga vaqt cheklovi oʻrnating va gadjetlarsiz kunlar oʻtkazishga odatlaning. Bu vaqtni piyoda sayr qilish, kitob oʻqish yoki yaqinlaringiz bilan muloqot qilishga bagʻishlang. Immunitetni mustahkamlang Foto: Alamy Salomatlikni saqlashda immunitet muhim ahamiyatga ega. Buning uchun ochiq havoda koʻproq vaqt oʻtkazing, kontrast dush qabul qiling va taomnomangizga C va D vitaminlari, rux kabi foydali moddalarni oʻz ichiga olgan mahsulotlarni qoʻshishni unutmang. Yangi bilim va koʻnikmalarni egallang Yangi bilimlarni oʻrganish bosh miya faoliyatini me'yorda saqlash uchun muhimdir, buning uchun koʻproq kitob oʻqish, boshqotirma echish yoki xorijiy tillarni oʻrganish yordam beradi. Ekologik odatlarni shakllantiring Foto: Alamy Tabiatga nisbatan mas'uliyatli munosabat ham hayotimiz farovonligini oshiradi. Plastikdan ishlab chiqarilgan har qanday narsalardan foydalanishni kamaytiring va ekologik toza mahsulotlarga koʻproq e'tibor bering. Atrof-muhit ifloslanmasligiga oʻz hissangizni qoʻshing. Zero har bir kichik harakat kelajakda ulkan natijalar uchun poydevor boʻla oladi. Dam olishni ham unutmang 2025 yilda oʻz vaqtida organizmga dam berishni ham bilish lozim. Bunday hordiq chiqarish nafaqat uxlashni, balki sevimli ish va mashgʻulot bilan shugʻullanishni ham nazarda tutadi. Chunki oʻzimiz yoqtirgan va bizga xursandchilik baxsh etadigan biror yumush uchun vaqt topish hayotimiz farovonligini oshiradi hamda ruhan sogʻlom boʻlishimizga hissa qoʻshadi. Manba: Daryo.uz

2025 yil 15 dan 19 sentyabrga qadar Toshkent shahrining sakkiz tumani ayrim hududlarida issiq suv ta’minoti vaqtincha to‘xtatiladi. Bu haqda Zamin.uz xabar berdi. Bu haqda Kursiv.media xabar berdi. Issiq suv uzilishi Veolia Energy Tashkent kompaniyasi tomonidan qish mavsumiga tayyorgarlik doirasida amalga oshirilayotgan profilaktika ishlari bilan bog‘liqdir. Issiq suv ta’minoti uziladigan hududlar quyidagilardan iborat: Yashnobod tumani, jumladan Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Chulpon, Alimkent ko‘chalari, shuningdek Tuzel-1 dan 4 gacha bo‘lgan massivlar, Uysizlar-1, Asalobod-1 va 2 massivlari hamda Aviasozlar shaharchasi. Mirobod, Yunusobod, Shayxontohur va Yakkasaroy tumanlarida Amir Temur va Mustaqillik prospektlari, Sharof Rashidov, Navoiy, Bobur, Glinka, Shota Rustaveli, Bogiboston va Arnasoy ko‘chalari hamda boshqa ayrim hududlarda issiq suv berilishi to‘xtaydi. Chilonzor tumanida Katta Chilonzor, Muqimi, Seul va Choponota ko‘chalari hamda Ts-1, 2, 4, 5, 7, Oqtepa, Chilonzor (1-5, 7, E, I), Qushbegi, Boshliq va Uchuvchilar shaharchalari issiq suv ta’minotidan uziladi. Shuningdek, Sergeli va Mirzo Ulug‘bek tumanlarining ayrim hududlarida ham issiq suv uzilishi kuzatiladi. Fuqarolardan ushbu vaqt davomida suvdan oqilona foydalanishlari va zarur ehtiyot choralarini ko‘rishlari so‘raladi. Profilaktika ishlari tugagach, issiq suv ta’minoti tiklanadi. Manba: Kursiv.media

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Mashhur turk aktrisasi Hande Erchel va tadbirkor Hakan Sabanji o‘rtasidagi munosabatlarga doir so‘nggi paytlarda ko‘plab mish-mishlar tarqalmoqda. Bu haqida Zamin.uz xabar berdi. Ayniqsa, juftlikning ajrashgani haqidagi xabarlar muxlislar orasida katta qiziqish uyg‘otdi. Gel Konuşalım dasturida ilk bor gapirgan Hakan Sabanji esa ularning munosabatlariga oid da’volarga o‘z munosabatini bildirdi. U shaxsiy hayoti haqida keng gapirishni istamagan bo‘lsa-da, ayrim gap-so‘zlarga aniqlik kiritdi. Hakan Sabanji ajralish masalasini muhokama qilishni istamasligini, chunki bu ularning shaxsiy hayotiga taalluqli ekanligini ta’kidladi. Shuningdek, u xiyonat haqidagi mish-mishlar mutlaqo asossizligini bildirdi. Oldinroq Hande Erchel ijtimoiy tarmoqlardagi sahifasidan Sabanji bilan tushgan barcha suratlarini o‘chirib tashlagan edi. Bu esa turk matbuotida ularning ajralgani haqidagi xabarlarga asos bo‘ldi. Mashhur jurnalist Birsen Altuntash juftlik orasida jiddiy kelishmovchilik borligini ta’kidlagan, ammo rasmiy ajrim hali sodir bo‘lmaganini ma’lum qilgan. Shunga qaramay, Hande va Hakan hanuz bir-birlariga ijtimoiy tarmoqlarda obuna bo‘lib qolishgan. Muxlislarning bir qismi ularning munosabatlari qayta tiklanishiga umid bildirsa, boshqalar esa bu jarayon shunchaki ommaviy axborot vositalari uchun reklama bo‘lishi mumkinligini taxmin qilmoqda.

Ozarbayjonda 2025 yil iyul oyidan boshlab qarindoshlar nikohi qonun bilan taqiqlanganidan so‘ng to‘ylar soni sezilarli darajada kamaydi. Bu haqda Zamin.uz xabar berdi. Masalan, iyun oyida 5 mingdan ortiq nikoh qayd etilgan bo‘lsa, iyul oyida bu ko‘rsatkich 2 694 taga tushdi. Mutaxassislar bu o‘zgarishlarni yaqindan qarindoshlar o‘rtasidagi nikohlarni taqiqlovchi qonunning kuchga kirishi bilan bog‘lamoqda. Qonunga ko‘ra, umumiy bobosi yoki buvasi bo‘lgan aka-uka va opa-singil farzandlari, shuningdek, biologik qarindosh bo‘lgan amakivachchalar va xolavachchalar o‘rtasida nikoh to‘liq man etilgan. Ushbu qonunning asosiy maqsadi genetik nuqsonlar bilan tug‘iladigan bolalar sonini kamaytirish va sog‘lom avlodni ta’minlashdir. Tibbiyot mutaxassislari ta’kidlaganidek, qarindoshlar o‘rtasidagi nikohlar ko‘pincha irsiy kasalliklar yuzaga kelishiga sabab bo‘ladi, bu esa kelajak avlod sog‘lig‘iga salbiy ta’sir ko‘rsatadi. Ozarbayjon Adliya vazirligining ma’lumotlariga ko‘ra, 2025 yilning yanvaridan iyuligacha mamlakatda 12 146 ta ajrim holati qayd etilgan, bu ko‘rsatkich o‘tgan yilga nisbatan biroz kamaygan. Har 1000 kishi hisobiga ajrimlar darajasi 2,1 dan 2,0 ga tushgan. Yangi qonunga muvofiq, nikoh tuzish uchun ariza berayotgan shaxslar qarindoshlik darajasini aniqlash maqsadida tug‘ilganlik haqidagi guvohnoma hamda ota-onalarining hujjatlarini taqdim etishlari shart. Agar qonun buzilishi aniqlansa, bunday holatlar uchun ma’muriy yoki jinoiy javobgarlik belgilanadi. Ushbu qoidalar sog‘lom va barqaror jamiyat qurishga xizmat qiladi.

Hurmatli Yashnobod, Mirobod, Yakkasaroy, Chilonzor, Yunusobod, Shayxontohur, Sergeli va Mirzo Ulug‘bek tumanlari aholisiga ma’lumot. Bu haqda Zamin.uz xabar berdi. “Veolia Energy Tashkent” MCHJ tomonidan o‘tkaziladigan profilaktika va texnik xizmat ko‘rsatish ishlari sababli 15 sentyabrdan 19 sentyabrgacha ayrim hududlarda issiq suv ta’minoti vaqtincha to‘xtatiladi. Ushbu ishlar tizimni qishki mavsumga tayyorlash, texnik holatini yaxshilash va xavfsizlikni ta’minlash maqsadida amalga oshirilmoqda. Issiq suv ta’minoti to‘xtatiladigan hududlar qatoriga Qorasuv, Beshariq, Birlashgan, Elbek, Asalobod, Quruvchilar, Uysizlar, Parkent, Cho‘lpon va Alimkent ko‘chalari kiradi. Shuningdek, Tuzel–1 va 4, Uysizlar–1, Asalobod–1,2, Aviasozlar shaharchasi (1, 1A, 2, 3, 4) massivlari ham ta’sirlanadi. Bundan tashqari, Amir Temur, Mustaqillik shoh, Sharof Rashidov, Navoiy, Bobur, Shota Rustaveli, Katta Chilonzor, Muqimiy, Seul, Nurafshon, Afrosiyob va boshqa ko‘chalarda ham issiq suv ta’minoti vaqtincha uziladi. Shu bilan birga, Ts–1, 2, 4, 5, 7, Oqtepa, Chilonzor (1–5, 7, E, I), Qushbegi va Uchuvchilar shaharchasi hududlari ham ta’sirda bo‘ladi. Kompaniya ma’lumotiga ko‘ra, ushbu profilaktika ishlari tizim barqarorligini ta’minlash, xizmat sifatini oshirish va kelgusi qish mavsumida aholiga uzluksiz xizmat ko‘rsatish uchun muhimdir. Fuqarolardan vaziyatni tushunib, sabr bilan intizor bo‘lishlari so‘raladi. Ma’lumot manbai: veolia.uz.

Barcelona jamoasining qanot hujumchisi Lamin Yamal hanuzgacha old tizza suyagi bilan bog‘liq muammolarga duch kelmoqda. Bu haqda Euro-football.ru xabar berdi. Klubning tibbiy shtabi uning holatini diqqat bilan nazorat qilmoqda va 18 yoshli futbolchining maydonga tezda qaytishini majburlash niyatida emas. Mundo Deportivo nashrining ma’lumot berishicha, Yamal 18 sentyabr kuni bo‘lib o‘tadigan Chempionlar ligasining Newcastle jamoasiga qarshi o‘yinda ishtirok eta olmaydi. Bundan tashqari, 21 sentyabrda Hetafe va 25 sentyabrda Real Oviedo jamoalariga qarshi o‘yinlarda ham uning maydonga tushishi shubhali hisoblanadi. Eng real variant sifatida, Lamin 28 sentyabrda Real Sosiedadga qarshi o‘yinda biroz maydonga chiqib, 1 oktabrda bo‘ladigan Parij Sen-Jermen bilan o‘yinga to‘liq tayyor bo‘lishi ko‘zda tutilmoqda. Chempionlar ligasidagi PSGga qarshi o‘yin Yamal uchun tiklanish jarayonidagi asosiy maqsad hisoblanadi. Klub mutaxassislari futbolchining sog‘lig‘ini birinchi o‘ringa qo‘yib, uning sog‘lom holatda maydonga qaytishini ta’minlashga harakat qilmoqda.

Turk seriallari nafaqat mamlakat ichida, balki butun dunyoda keng auditoriyaga ega. Bu haqda Zamin.uz xabar berdi. Shu sababli, ularda bosh rollarni ijro etuvchi aktyor va aktrisalar ham katta daromad oladi. Quyida eng ko‘p gonorar oladigan turk aktyorlari ro‘yxati keltirilgan. Birinchi o‘rinda Can Yaman turadi. U Italiya va Lotin Amerikasi kabi hududlarda ham mashhur bo‘lib, bir seriya uchun taxminan 5 million turk lirasini oladi. Bu miqdor yevro hisobida 150 mingga teng. Can Yaman serial va reklama loyihalarida katta talabga ega. Ikkinchi o‘rinda Çağatay Ulusoy bor. Uning gonorari bir seriya uchun 3,5 million lira, ya’ni taxminan 105 ming yevro. Çağatay Netflix va boshqa yirik platformalarda o‘zini ko‘rsatgan, shuningdek, xalqaro darajada mashhurlikka ega. Bu esa seriallarning eksport qiymatini oshiradi. Uchinchi o‘rinda Kıvanç Tatlıtuğ turadi. U klassik turk superstari hisoblanib, yuqori byudjetli loyihalarda qatnashadi. Uning bir seriyaga oladigan maoshi 3 million lira, taxminan 90 ming yevroga teng. To‘rtinchi o‘rinda Serenay Sarıkaya bor. Uning ijodiy qirralari va reklama sohasidagi muvaffaqiyatlari uni serial prodyuserlari uchun qimmatbaho qiladi. Serenayning bir seriyadagi gonorari 2,5 million lira, ya’ni 75 ming yevro atrofida. Beshinchi o‘rinda Demet Özdemir joylashgan. U komediya va dramatik rollarda o‘zining ko‘p qirrali mahoratini namoyish etib, bir seriya uchun 2 million lira oladi. Shuningdek, Demet reklama va brend hamkorliklari orqali qo‘shimcha daromad ham topadi. Oltinchi o‘rinda Hande Erçel bor. U turk seriallarining eng mashhur yulduzlaridan biri hisoblanadi. Hande bir seriya uchun taxminan 2 million lira, ya’ni 65 ming yevro atrofida gonorar oladi. Bundan tashqari, u reklama kampaniyalari va brend hamkorliklari orqali qo‘shimcha daromadga ega. Shu tariqa, turk seriallari yulduzlari nafaqat o‘z mamlakatida, balki xalqaro miqyosda ham katta e’tiborga ega bo‘lib, ular oladigan gonorarlar ham rekord darajada yuqori. Bu esa serial sohasining rivojlanishi va eksport salohiyatining oshishiga xizmat qiladi.

Karina Kapur bugun Hindiston kinosi olamida eng ko‘zga ko‘ringan aktrisalar qatorida turadi. Bu haqida Zamin.uz xabar berdi. U 1980 yil 21 sentabrda Mumbay shahrida aktyorlar oilasida tug‘ilgan. Kapur sulolasining vakili sifatida san’atga bolalikdan qiziqishi kuchli bo‘lgan. Uning katta ekranlardagi ilk ishi 2000 yilda “Refugee” filmi bilan boshlandi. Shundan so‘ng Karina yuzdan ortiq filmda suratga tushib, Bollivudning eng yorqin yulduzlaridan biriga aylangan. Uning ishtirokidagi “Kabhi Khushi Kabhie Gham”, “Jab We Met”, “3 Idiots” kabi filmlar keng tomoshabinlar tomonidan sevib tomosha qilindi va yodda qoldi. Karina nafaqat o‘zining betakror go‘zalligi bilan, balki xarakterli va chuqur rollarni samimiy ijro etishi bilan ham muxlislarning qalbidan joy oldi. Ayniqsa, “Jab We Met” filmidagi erkin va shaddod qahramon obrazlari unga katta shuhrat keltirdi. Shaxsiy hayotida u aktyor Saif Ali Xon bilan 2012 yilda turmush qurgan. Juftlikda ikki o‘g‘il – Taymur Ali Xon va Jahongir Ali Xon bor. Ular mehribon ota-onalar sifatida ko‘plab muxlislar uchun namunadir. Bugungi kunda Karina Kapur nafaqat kino sohasida, balki moda va sog‘lom turmush tarzi bo‘yicha ham ko‘plarga ilhom manbai bo‘lib xizmat qilmoqda. Uning faoliyati va shaxsiyati ko‘plab yoshlar uchun motivatsiya manbai hisoblanadi. Shunday qilib, Karina Kapur hind kinosining yorqin yulduzi sifatida nafaqat ekranlarda, balki jamiyatda ham o‘zining ijobiy ta’sirini davom ettirmoqda.