Liverpul Angliya chempionatida eng ko‘p sarfladi

Angliya chempionatidagi klublar orasida eng ko‘p mablag‘ sarflagan jamoa «Liverpul» bo‘ldi. Bu haqida Euro-football.ru xabar berdi.

Bu haqda ishonchli Transfermarkt portali ma’lumotlariga tayangan holda xabar berildi. «Liverpul» joriy mavsumda jami olti futbolchini sotib olib, umumiy xarajat miqdori 308,68 million yevroni tashkil etdi.

Ularning orasida hujumchi yarim himoyachi Florian Virts (125 million), markaziy hujumchi Ugo Ekitik (95 million) hamda chap qanot himoyachisi Milosh Kerkes (46,9 million) bor. Ikkinchi o‘rinda «Chelsi» jamoasi joylashdi.

Ular transferlar uchun 243,77 million yevro sarfladi. Eng qimmat transferlar qatorida chap qanot hujumchisi Jemi Gitens (64,3 million), shuningdek, ikki markaziy hujumchi Joao Pedro (63,7 million) va Liam Delap (35,5 million) mavjud.

Uchinchi o‘rinni esa «Arsenal» egalladi. Ularning xarajatlari 157,8 million yevroni tashkil qildi.

Jamoa markaziy yarim himoyachi Martin Zubimendi (70 million), o‘ng qanot hujumchisi Noni Maduek (55,4 million) hamda markaziy himoyachi Kristian Mosquera (15 million) bilan shartnoma imzoladi. Shuningdek, eng ko‘p xarajat qilgan o‘nlikka «Manchester Yunayted» (153,2 million yevro), «Manchester Siti» (145,7 million), «Tottenhem Hotspur» (140,6 million), «Sanderlend» (115,9 million), «Brayton» (80 million), «Bernli» (79,75 million) va «Lids» (69,4 million) klublari kirgan.

Bu raqamlar Angliya chempionatida transfer siyosati va jamoalarning moliyaviy imkoniyatlarini aniq ko‘rsatadi.