«Nyukasl» jamoasining bosh murabbiyi Eddi Xau hujumchi Aleksandr Isakning holati haqida fikr bildirdi. Bu haqida Euro-football.ru xabar berdi.
Oldinroq matbuot shved hujumchini «Liverpul» jamoasi bilan bog‘lagan edi. Shanba kuni «Nyukasl» Shotlandiyada «Seltik» jamoasiga 0:4 hisobida mag‘lub bo‘ldi.
Isak jamoa bilan birga o‘yinga kelmadi, bu esa Xau bilan futbolchi o‘rtasida muammolar borligi haqidagi taxminlarni kuchaytirdi. Xau bu qarorni o‘zi qabul qilganini aytdi.
U Isakni barcha mish-mishlar sababli uyga jo‘natishga qaror qilganini bildirgan. Murabbiyning so‘zlariga ko‘ra, Isak tribunada o‘tirib o‘yinni tomosha qilishni istamagan va bu unga nisbatan adolatsizlik bo‘lardi.
Xau shuningdek, transfer oynasi yopilgach, Isak «Nyukasl» futbolchisi bo‘lib qolishiga ishonch bildirgan. Bu fikrlarni jurnalist Ben Jeykob keltirgan.
