Real Rodrigoni yozda sotib olishni rejalashtirmoqda

Madridning «Real» klubi «Manchester Siti» jamoasining yarim himoyachisi Rodrini sotib olish imkoniyatini ko‘rib chiqmoqda. Bu haqida Euro-football.ru xabar berdi.

Klub 29 yoshli ispaniyalik futbolchining holatini diqqat bilan kuzatmoqda. Rodri o‘yin markazini darhol kuchaytirishga qodir, tajribali futbolchi sifatida jamoaga muvozanat olib kirishi mumkin.

U o‘tgan mavsum oxirida tizzasidan jiddiy jarohat olgach, taxminan to‘qqiz oy maydondan chetda qolganidan so‘ng maydonga qaytdi. Uning «Siti» bilan shartnomasi 2027 yilgacha mo‘ljallangan, ammo hozircha tomonlar kelishuvni uzaytirish bo‘yicha muzokaralarni boshlamagan.

Manbaga ko‘ra, Rodrining yangi mavsumdagi ishtiroki va o‘yin ko‘rsatkichlari uning kelajagini belgilaydi. Agar u yangi shartnoma imzolamasa va klubni almashtirishni istasa, «Siti» uni 2026 yil yozida maqbul narxda sotishga majbur bo‘lishi mumkin.

Shuningdek, Madrid klubining yozgi transfer oynasida katta xarid qilish imkoniyati mavjud, ayniqsa Rodrigo jamoani tark etsa, «Real» uning transferidan 80-100 million yevro atrofida daromad olish ehtimoli bor. Bu esa klubga jamoani yanada kuchaytirish imkonini yaratadi.