Ekitike Benzemani o‘ziga namunali futbolchi deb bildi

«Liverpul» Frankfurtning «Ayntraxt» klubidan hujumchi Ugo Ekitikeni transfer qilishni yakunlamoqda. Bu haqida Euro-football.ru xabar berdi.

Klublar 23 yoshli futbolchi uchun 95 million yevro miqdorida, bonuslarni hisobga olgan holda kelishib oldi. Shuningdek, futbolchi ham o‘zining yangi jamoasiga o‘tishga rozilik bildirdi.

ESPN ma’lumotiga ko‘ra, Ekitike o‘ziga namunaviy futbolchi sifatida Karim Benzemani oladi. U ham Madridning «Real» klubining sobiq hujumchisi singari hujumda faol, to‘p bilan yaxshi ishlaydi va jamoa uchun o‘ynashni yoqtiradi.

O‘tgan mavsumda Ugo Ekitike barcha musobaqalarda «Ayntraxt» safida 48 ta o‘yinda maydonga tushib, 22 ta gol urdi va 12 ta golga uzatma berdi. Oldinroq u o‘z vatanida «PSJ» va «Reyms» klublarida to‘p surgan.

Yangi transfer «Liverpul» hujum chizig‘ini yanada kuchaytirishi kutilmoqda. Futbolchining harakati va texnikasi jamoaga yangi imkoniyatlar olib keladi.

Klub va futbolchi o‘rtasidagi kelishuv muvaffaqiyatli yakunlandi va rasmiy e’lon yaqin kunlarda bo‘lishi kutilmoqda.