Manchester Yunayted uch yangi transfer rejasida

Manchester Yunayted joriy yozgi transferlar kampaniyasini hali yakunlaganicha yo‘q. Bu haqida Euro-football.ru xabar berdi.

Yaqinda klub uzoq muzokaralardan so‘ng Brentford jamoasidan Brian Mbeumoni rasmiy ravishda o‘z safiga qo‘shdi. Endi qizil iblislar boshqa pozitsiyalarni mustahkamlashga e’tibor qaratmoqda.

Jurnalist Devid Ornshteyn ma’lumotiga ko‘ra, yozgi transfer oynasi yopilishidan oldin Manchester Yunayted yangi markaziy hujumchi, himoyachi va darvozabonni sotib olishni rejalashtirmoqda. Matheus Kunya va Brian Mbeumo transferlari uchun klub 150 million yevrodan ortiq mablag‘ sarflagan, biroq hozircha hech kimni sotmagan.

O‘tgan mavsumda Ruben Amorim boshchiligidagi jamoa Angliya Premer ligasida 15-o‘rinni egallagan. Manchester Yunayted jamoasi yozgi transfer oynasida faoliyatini davom ettiradi va tarkibini yanada kuchaytirishga harakat qiladi.

Klub rahbariyati va murabbiylar shtabi yangi o‘yinchilarni qo‘shib, kelasi mavsum uchun yuqori natijalar ko‘zlamoqda. Shuningdek, jamoa muxlislari ham yangi transferlardan umidvor bo‘lib, jamoaning muvaffaqiyatli o‘yinini kutmoqda.