Bellerin: Adabiyot hayotimni qutqardi
Ko‘p hollarda futbolchilar futbol ularning hayotini qanday o‘zgartirgani haqida gapirishni yaxshi ko‘rishadi. Bu haqida Euro-football.ru xabar berdi.
Biroq, ispan himoyachisi Ektor Bellerin bunday fikrda emas. U hayotini futbol emas, balki adabiyot o‘zgartirganini aytadi.
Ma’lum bo‘lishicha, Bellerin juda ko‘p kitob o‘qishni yaxshi ko‘radi, bu esa uning ijtimoiy tarmoqlardagi profillaridan ham ko‘rinib turadi. Pandemiya davrida u o‘zini yo‘ldan chiqqanini, futbol qachon qaytishini bilmasligini aytadi.
Bu paytda u hatto ichishni boshlagan, lekin adabiyot unga yordam bergan va uni o‘qishga berilib ketgan. Bellerin hozirda Ispaniyaning “Betis” klubida o‘ynaydi.
Bundan tashqari, u fotografiya bilan shug‘ullanadi va siyosatga qiziqadi. 2022 yilda u G‘arb ommaviy axborot vositalarini Falastin, Iroq va Yamendagi urushlarga e’tiborsiz munosabatda bo‘lgani uchun tanqid qilgan, ayni paytda Ukraina voqealariga ortiqcha e’tibor berilganini aytgan.
