Sobiq Braziliya terma jamoasi va Londonning "Chelsi" klubi yarim himoyachisi Oskar navbatdagi o‘yinda jiddiy jarohat oldi. Bu haqida Euro-football.ru xabar berdi.
Bu voqea "Korintians"ga qarshi kechgan o‘yinda yuz berdi. "San-Paulu" jamoasi futbolchisi hujum paytida notog‘ri tushib, orqasiga yiqildi va tanasini to‘g‘ri jamlay olmadi.
Natijada, kamida uchta umurtqa suyagida yorilishlar paydo bo‘ldi. Oskarga zudlik bilan tez yordam mashinasi orqali shifoxonaga yetkazildi.
Joriy yil davomida uning maydonga qaytishi kutilmayapti. Bu haqda klub bosh murabbiyi, taniqli murabbiy Ernán Krespo ham tasdiqladi.
Shuni eslatib o‘tish lozimki, Oskar yaqinda uzoq yillik Xitoydagi faoliyatidan so‘ng vatanga qaytgan edi. Uning sog‘lig‘i va kelajagi haqida hozircha aniq ma’lumot berilmagan.
Futbol ixlosmandlari va mutaxassislar uning tez orada sog‘ayib, maydonga qaytishini tilab qolmoqda.
