Shveytsariyaning “Syona” futbol klubida o‘ynayotgan Anton Miranchuk boshqa jamoaga o‘tishi mumkin. Bu haqida Euro-football.ru xabar berdi.
Klub rahbariyati rossiyalik futbolchi uchun bir nechta takliflar oldi. Bu haqda jurnalist Stefan Furnye ma’lum qildi.
“Syona” sport direktori shaxsan menga Miranchuk bo‘yicha takliflar borligini aytdi, biroq qaysi mamlakat yoki jamoadan ekanligini ochiqlamadi. Men bu haqda aniqlashtirishga harakat qildim, lekin ma’lumot olmadim, — deydi Furnye “Sport-Express”ga bergan intervyusida.
Jurnalistning fikricha, yarim himoyachiga qiziqish Rossiyadan kelmoqda. Anton Miranchuk o‘tgan yil kuzida “Syona”ga qo‘shilgan.
O‘tgan mavsumda u shveytsariya klubida 24 o‘yinda maydonga tushib, ikki gol urdi va uchta golli uzatma berdi. Futbolchi bilan tuzilgan shartnoma 2026 yil yozigacha amal qiladi.
