Rossiya futbol ittifoqi prezidenti Aleksandr Dyukov Rossiya premer-ligasidagi klublar rahbarlari bilan uchrashdi. Bu haqida Euro-football.ru xabar berdi.
Uchrashuvda bir nechta masalalar muhokama qilindi, jumladan legionerlar soniga qo‘yiladigan limit masalasi ham ko‘tarildi. Klublarga sport vazirligi tomonidan legionerlar limitini qattiqroq nazorat qilish rejalashtirilayotgani haqida ma’lumot yetkazildi.
Hatto bu limit 2026/2027 yilgi mavsumdan boshlab Rossiya futbol ittifoqi va premer-liga fikridan qat’i nazar kuchaytirilishi mumkin. Hozirda «10+6 yoki 7» formulasi ustida ishlanmoqda, ya’ni premer-liga klublari mavsum uchun 10 nafar legionerni ro‘yxatga kiritishi va maydonda bir vaqtning o‘zida 6 yoki 7 nafar legionerdan foydalanishi mumkin bo‘ladi.
Bu haqda «RB Sport» xabar berdi. Hozirgi vaqtda premer-ligada legionerlar limiti «13+8» ko‘rinishida amal qilmoqda, ya’ni har bir klub mavsum uchun maksimal 13 nafar legionerni ro‘yxatga olishi va maydonda bir vaqtda 8 nafar legionerdan foydalanishi mumkin.
Rossiya chempionatining ikkinchi tur o‘yinlari 25 iyuldan 27 iyulgacha davom etadi.
👍 0❤️ 0😂 0😢 0😡 0
