Hujumchi yarim himoyachi Eduard Spertsyan Angliyada faoliyatini davom ettirish imkoniyatiga ega. Bu haqida Euro-football.ru xabar berdi.
Jurnalist Ayik Oganesyanning xabar berishicha, «Krasnodar» jamoasi sardori uchun «Sautgempton» klubi taklif bilan chiqqan. Taklif summasi 12,5 million yevroni tashkil etadi.
Avvalroq «Jirona» klubi Spertsyan uchun taklif bermaganidan so‘ng, Eduard bir necha hafta oldin rad etgan «Sautgempton» variantini qayta ko‘rib chiqishga qaror qilgan. Oganesyanning so‘zlariga ko‘ra, bir necha soat oldin ingliz klubi «Krasnodarga» 12,5 million yevro taklif qilgan.
Shuni ta’kidlash kerakki, ishonchli Transfermarkt portali Eduard Spertsyanni 25 million yevroga baholaydi. Hozirda futbolchining «Krasnodar» bilan amaldagi shartnomasi kelasi yozda yakunlanadi.
Qayd etish joizki, «Sautgempton» joriy yil bahorida Angliya Premer-ligasidan chiqib, Chempionshipga tushib qolgan. Bu holat klubning yangi futbolchilarni jalb qilish siyosatiga ta’sir ko‘rsatishi mumkin.
