Krishtianu Ronaldu «Al-Nasr» klubiga «Chelsi» jamoasining hujumchisi Joau Felishni olib kelishda yordam berdi. Bu haqida Euro-football.ru xabar berdi.
25 yoshli futbolchi faoliyatini boshlagan «Benfika» klubiga qaytishga yaqin edi, biroq Ronaldu tomonidan qilgan qo‘ng‘iroq uning qarorini o‘zgartirdi. Mashhur futbol mutaxassisi Fabrizio Romano ma’lumotlariga ko‘ra, 40 yoshli hujumchi Portugaliya terma jamoasi safdoshi bo‘lgan Joau Felishni Saudiya Arabistoniga ko‘chib o‘tishga ishontirdi.
Bir necha kun ichida kelishuv amalga oshirildi. Hozirda Joau Felish «Al-Nasr» jamoasi bilan mashg‘ulotlarda qatnashmoqda, biroq rasmiy transfer hali tasdiqlanmagan.
Mavjud ma’lumotlarga ko‘ra, futbolchi bilan ikki yillik shartnoma imzolanadi. «Chelsi» esa ushbu transferdan bonuslar bilan birga taxminan 50 million yevro daromad olishi mumkin.
Bu o‘tish futbolchining faoliyatida yangi bosqich bo‘lib, Saudiya Arabistoni futboliga katta qiziqish uyg‘otishi kutilmoqda.
👍 0❤️ 0😂 0😢 0😡 0
