Hujumchi Joau Felishning «Al-Nasr» klubiga o‘tishi natijasida qancha maosh olishi ma’lum bo‘ldi. Bu haqida Euro-football.ru xabar berdi.
Saudiya Arabistoni klubi portugaliyalik futbolchi bilan «Chelsi» jamoasidan shartnoma imzolash bo‘yicha kelishuvga erishdi. Shartnoma qiymati bonuslar hisobga olinganda 50 million yevrogacha yetishi mumkin.
A Bola nashrining xabariga ko‘ra, 25 yoshli futbolchi ikki yillik shartnoma imzolaydi va yillik maoshi 35 million yevroga teng bo‘ladi. Joau Felish o‘tgan mavsumning ikkinchi yarmida Italiya klubi «Milan»da ijarada to‘p surgan.
Mavjud ma’lumotlarga qaraganda, futbolchi «Al-Nasr»ga o‘tishga qaror qilgan, bu qarorga jamoa kapitani va uzoq yillik terma jamoa hamkori Krishtianu Ronaldu bilan suhbatdan so‘ng kelgan.
