Abbosbek Fayzullaevning Turkiyaning Istanbul Boshakshehir klubi bilan tuzgan shartnomasi moliyaviy tafsilotlari ma’lum bo‘ldi. Bu haqida Euro-football.ru xabar berdi.
O‘zbekistonlik yarim himoyachi ushbu klubga CSKA jamoasidan o‘tgan. Jurnalist Usmon Altunterimning xabariga ko‘ra, Fayzullaev yiliga bir million yevro maosh oladi.
Shuningdek, shartnomada samarali o‘yin uchun bonuslar ham belgilangan. Tibbiy ko‘rikdan o‘tganidan so‘ng, futbolchi Istanbul Boshakshehir klubining bazasida alohida dastur asosida mashg‘ulot olib bormoqda.
Rasmiy ravishda o‘tish jarayoni hujjatlar rasmiylashtirilgandan keyin e’lon qilinadi. O‘tgan mavsumda Abbosbek CSKA safida 39 ta o‘yinda maydonga tushib, 11 ta gol va assist hisobidan ochko to‘plagan.
Uning jamoaga qo‘shilgani klubning hujum chizig‘ini kuchaytirishi kutilmoqda.
