Barselona ilk uy o‘yinini 6000 o‘rinli stadionda o‘tkazishi mumkin
Barselona futbol klubining o‘z maydoniga qaytishi kutilganidan kechikdi. Bu haqida Euro-football.ru xabar berdi.
Klub yaqinda Joаn Gamper kubogi doirasidagi Komo jamoasiga qarshi o‘yin Yoxan Kroyf stadionida o‘tkazilishini ma’lum qildi. Bunga sabab shundaki, Barselona shahri hokimiyati tomonidan zarur ruxsatnoma hali berilmadi.
Shu bois, kataloniyaliklar asosiy o‘yinlarini qayerda o‘tkazishni hal qilmayapti. Catalunya Radio axborotiga ko‘ra, Barselona klubi yangi mavsumdagi ilk uy uchrashuvini qayerda o‘tkazish haqida o‘ylamoqda.
13 yoki 14 sentyabr kunlari Hans-Diter Flik boshchiligidagi jamoa La Liga doirasida Valensiya klubini qabul qilishi kerak. Ehtimol, bu o‘yin ham Yoxan Kroyf stadionida bo‘lib o‘tadi.
Ushbu stadion atigi 6000 tomoshabinga mo‘ljallangan. Shu bilan birga, Barselona klubi Valensiyaga qarshi o‘yin uchun zarur ruxsatnoma olinadi degan umidda.
Agar ruxsatnoma berilsa, uchrashuv Kamp Nou stadionida o‘tkazilishi mumkin, biroq stadion sig‘imi cheklangan bo‘ladi. Ma’lumot uchun, Barselona Valensiyaga qarshi o‘yinni Monjuik stadionida o‘tkaza olmaydi, chunki u yerda konsert rejalashtirilgan.
O‘tgan mavsumda Barselona o‘z raqiblarini aynan shu stadionda qabul qilgan edi.
