Shveysariya terma jamoasi futbolchisi Granit Jaka Germaniyaning “Bayer” klubidan Angliyaning “Sanderlend” jamoasiga o‘tdi. Bu haqida Euro-football.ru xabar berdi.
Bu haqda “Sanderlend” klubi rasmiy sayti ma’lum qildi. 32 yoshli futbolchi yangi jamoasi bilan uch yillik shartnoma imzoladi.
Turli manbalarga ko‘ra, transfer qiymati 15 million yevroni tashkil etgan. Bundan tashqari, Leverkuzen klubi yana 5 million yevro miqdorida bonuslarni qo‘lga kiritishi mumkin.
O‘tgan mavsumda Granit Jaka klub darajasida jami 49 uchrashuvda maydonga tushib, 8 marta ogohlantirish oldi. Himoyaviy yarim himoyachi sifatida u 2 ta gol urdi va 7 ta golli uzatmani amalga oshirdi.
Granit Jaka bungacha “Bazel”, Myonxengladbaxning “Borussiya” hamda Londonning “Arsenal” klublarida ham faoliyat olib borgan.
