Taniqli futbol insayderi Fabrizio Romano yaqinda matbuotda paydo bo‘lgan mish-mishlarga izoh berdi. Bu haqida Euro-football.ru xabar berdi.
Gap shundaki, ayrim manbalarda "Pari Sen-Jermen" jamoasi darvozaboni Janluiji Donnarumma Angliyaga ko‘chib o‘tishi mumkinligi haqida xabarlar tarqaldi. Xususan, "Manchester Yunayted" klubi Donnarumma bilan shartnoma imzolashga tayyor ekani va klub vakillari futbolchining atrofidagilar bilan muzokaralar boshlagani aytilgan edi.
Biroq Fabrizio Romano bu ma’lumotlarni rad etdi. Uning so‘zlariga ko‘ra, "Manchester Yunayted" ham, "Chelsi" klubi ham 26 yoshli italiyalik darvozaboni bilan hech qanday muzokara olib bormagan.
Shuningdek, "Chelsi" ham Donnarummaga qiziqish bildirgani haqidagi xabarlar asossiz. Ma’lumki, Janluiji Donnarummaning "Pari Sen-Jermen" bilan tuzgan shartnomasi bir yildan kam muddatda yakunlanadi.
Shu sababli, Parij jamoasi tez orada yangi darvozabon – "Lill" klubi futbolchisi Lyuka Shevaleni tarkibga qo‘shib olishi kutilmoqda. Shu tarzda, Donnarummaning kelajagi hozircha aniq emas.
