“Inter Mayami” hujumchisi Lionel Messi yaqinda jamoaga kelgan Rodrigo de Paul haqida o‘z fikrini bildirdi. Bu haqida Euro-football.ru xabar berdi.
Ma’lum bo‘lishicha, 31 yoshli yarim himoyachi Madridning “Atletiko” klubidan ijaraga olindi va kelajakda to‘liq sotib olinadi. De Paul bugun yangi jamoasidagi ilk o‘yinini o‘tkazdi va asosiy tarkibda maydonga tushdi.
U Liga Kubogi doirasida bo‘lib o‘tgan “Atlas” jamoasiga qarshi bahsda g‘alabaga hissa qo‘shdi. Uchrashuv “Inter Mayami” foydasiga 2:1 hisobida yakunlandi.
Messi intervyuda de Paulning transferini yuqori baholadi. U shunday dedi: “De Paulni tarkibga qo‘shish juda yaxshi bo‘ldi.
Biz u bilan terma jamoada ko‘p o‘yinlar o‘tkazganmiz va uni yaxshi bilaman. U jamoaga katta foyda keltiradi.
Rodrigo juda katta ishtiyoq bilan keldi. U hali biz bilan mashg‘ulot o‘tkazmagan bo‘lsa-da, to‘liq o‘yin o‘ynadi.
Bu uning yuqori darajada ekanidan dalolat beradi.” Shuningdek, Messi “Atlas”ga qarshi o‘yinda ikki golga hammualliflik qildi.
