Miranchuk gol urdi, lekin Atlanta uyda yutqazdi
Atlanta Yunayted futbol klubi Ligalar kubogi guruh bosqichini omadli boshlay olmadi va o‘z maydonida Nekaska jamoasiga 1:3 hisobida mag‘lub bo‘ldi. Bu haqida Euro-football.ru xabar berdi.
Uchrashuv Atlanta shahridagi Mersedes Bens stadionida bo‘lib o‘tdi. O‘yinning dastlabki daqiqalarida mehmonlar hisobni ochdi.
Atlanta futbolchisi o‘z darvozasiga to‘p kiritib yubordi va Nekaska oldinga chiqdi. 28-daqiqada Atlanta jamoasi hisobni tenglashtirdi.
Rossiyalik yarim himoyachi Aleksey Miranchuk raqib darvozaboni to‘pni qaytarganidan so‘ng birinchi bo‘lib to‘pga ega chiqdi va gol urdi. Biroq uchrashuvning yakuniy qismi mehmonlar foydasiga hal bo‘ldi.
77-daqiqada maydonga chiqqan Tomas Badaloni qisqa vaqt ichida ikki gol urib, Nekaska jamoasiga ishonchli g‘alaba taqdim etdi. Turnirning navbatdagi turida Atlanta Yunayted Pumas jamoasiga qarshi bahs olib boradi.
Nekaska esa Inter Mayami bilan kuch sinashadi.
