Spartak futbol klubi payshanba kuni Besiktash jamoasidan yarim himoyachi Jersonni o‘z tarkibiga qo‘shib olganini e’lon qildi. Bu haqida Euro-football.ru xabar berdi.
Klub transfer shartlarini oshkor qilmagan bo‘lsa-da, Turkiya jamoasi bu haqda ma’lumot berdi. Xabarga ko‘ra, transfer qiymati 20 million 779 ming 220 yevroni tashkil qilgan.
Bundan tashqari, bonuslar hisobiga Istanbul klubi daromadi yana oshishi mumkin. Shu tariqa, Spartak o‘z tarixida eng qimmat transferni amalga oshirdi.
Avval bu klub transfer bozorida bunday katta mablag‘ sarflamagan edi. Bungacha Spartak tarkibiga eng qimmat futbolchi sifatida Levi Garsiya qo‘shilgan bo‘lib, uning transferi 18,7 million yevroga baholangan.
Uchlikni Gus Til yakunlaydi, uni xarid qilish uchun Moskva klubi 18 million yevro to‘lagan. Ayni paytda Spartak Premer-liganing ikki turida uch ochko jamg‘arishga muvaffaq bo‘ldi.
