Sloveniya terma jamoasi hujumchisi Benjamin Sheshko Germaniyaning "RB Leyptsig" klubi tarkibida to‘p suradi. Bu haqida Euro-football.ru xabar berdi.
So‘nggi paytlarda matbuotda uni Angliyaning kuchli klublariga o‘tishi mumkinligi haqida xabarlar tarqalmoqda. Xususan, Benjamin Sheshkoga "Liverpul", "Manchester Yunayted" va "Nyukasl" klublari qiziqish bildirayotgani aytilmoqda.
Benjamin Sheshko o‘zini Norvegiyaning "Manchester Siti" klubi hujumchisi Erling Holand bilan taqqoslashayotganiga munosabat bildirdi. Unga ko‘ra, bunday taqqoslash uni yangi marralarni zabt etishga undaydi.
Sheshko o‘z so‘zida: "Holand kabi futbolchi bilan taqqoslanish meni kuchliroq bo‘lishga undaydi. Bosim bormi?
Men bunday bosimni his qilmayman. Maqsadim – Erlingdan ham yaxshiroq bo‘lish.
Ko‘pchilik bizning tezligimiz bir-biriga o‘xshashligini aytadi. Ba’zi jamoadoshlarim esa men uni ortda qoldirganimni ham ta’kidlashadi", dedi.
Shuningdek, Sheshko o‘z ustida tinmay ishlashini va doim o‘zini rivojlantirishga harakat qilishini qayd etdi. Shu bois, uning kelajagi haqida turli taxminlar matbuotda muhokama qilinmoqda.
Hozircha futbolchining qaysi klubga o‘tishi aniq emas, biroq unga bo‘lgan qiziqish ortib bormoqda.
