"Liverpul" futbol klubining yangi futbolchisi Florian Virtz o‘zining jamoada qaysi raqam ostida harakat qilishi aniq bo‘ldi. Bu haqida Euro-football.ru xabar berdi.
Klub matbuot xizmati xabariga ko‘ra, Germaniyalik hujumkor yarim himoyachi endilikda Liverpul safida yettinchi raqam bilan maydonga tushadi. Avvalroq bu raqam kolumbiyalik hujumchi Luis Diasga tegishli edi.
U jamoani tark etib, Myunxenning "Bavariya" klubiga o‘tgach, yettinchi raqam bo‘sh qolgandi. Endi esa mazkur raqam Florian Virtzga topshirildi.
Virtz joriy transfer oynasida Liverpul safiga qo‘shildi. U Leverkuzenning "Bayer" klubidan ingliz jamoasiga o‘tdi.
22 yoshli futbolchi bilan besh yillik shartnoma imzolandi. Florian Virtzning transferi Liverpul uchun 125 million yevroga tushdi.
Bu transfer Angliya Premer-ligasi chempioni uchun muhim yangilik bo‘ldi. Klub rahbariyati yangi futbolchidan katta umid qilmoqda.
