Angliya Premer-ligasi ijrochi direktori Richard Masters Angliya chempionatida ishtirok etayotgan jamoalar sonining kamayishi mumkinligi haqidagi xabarlarga izoh berdi. Bu haqida Euro-football.ru xabar berdi.
Bu mavzu, Kluplar o‘rtasidagi jahon chempionati uchun yangi format joriy etilishi ortidan ommaviy axborot vositalarida muhokama qilina boshlandi. Richard Mastersning so‘zlariga ko‘ra, hozircha jamoalar sonini qisqartirish masalasi kun tartibida emas.
U 1994 yildan buyon Premer-ligada 20 ta klub qatnashib kelayotganini, har mavsum 380 ta o‘yin o‘tkazilishini ta’kidladi. Uning fikricha, bu tizim o‘zini oqlagan va hozircha o‘zgartirishga ehtiyoj yo‘q.
Shuningdek, u Premer-liga ichki musobaqa taqvimini Yevropa va jahon miqyosidagi o‘zgarishlarga moslashtirish ustida ish olib borayotganini aytdi. Yangi mavsum Angliyada juda qisqa muddatdan so‘ng boshlanadi.
Eslatib o‘tamiz, yaqinda “Chelsi” klubi “PSJ” ustidan g‘alaba qozonib, dunyoning eng yaxshi klubi deb topildi. Shuningdek, hozir AQSHda o‘tkazilayotgan Yozgi seriya o‘yinlari yakuniga yetmasidan yangi mavsumga tayyorgarlik ishlari boshlangan.
Shu sababli, Premer-liga rahbariyati oldinda turgan o‘zgarishlarga e’tiborli yondashmoqda.
