Rafinya: Yamalga tanqidlar asossiz, u o‘z ishini biladi
"Barselona" futbolchisi Rafinya Dias jamoadoshi Lamin Yamalga bildirilgan tanqidlar yuzasidan o‘z fikrini bildirdi. Bu haqida Euro-football.ru xabar berdi.
Yaqinda Lamin Yamal 18 yoshini nishonladi va tug‘ilgan kuniga mashhur shaxslarni taklif qilib, katta bazm uyushtirdi. Ba’zi odamlar uning bunday tadbir o‘tkazganini tanqid qildi.
Rafinya esa bu tanqidlarga javoban quyidagilarni aytdi: "Men Yamalga bo‘layotgan tanqidlarni tushunmayman. Agar siz ham uning yoshida shunday imkoniyatga ega bo‘lganingizda, ehtimol bundan ham oshirib yuborgan bo‘lardingiz.
U hozir dam olishda, xohlagan ishini qilishga haqli. Odamlar nima deydi, degan gap uni bezovta qilmasligi kerak.
Eng muhimi, u klubga sadoqatli va uning maydondagi natijalari buning isbotidir". Shuningdek, Lamin Yamal 18 yoshga kirguniga qadar "Barselona" tarkibida 106 o‘yinda maydonga tushib, 25 ta gol urgan va 34 ta golli uzatmani amalga oshirgan.
Bu natijalar uning yosh bo‘lishiga qaramasdan, jamoaga katta foyda keltirayotganini ko‘rsatadi. Rafinya fikricha, yosh futbolchi o‘zining muvaffaqiyatlari bilan tanqidchilarga yetarlicha javob bera olyapti.
