Sobiq mashhur futbolchi Andrey Kanchelskis joriy mavsumda "Krasnodar" jamoasining imkoniyatlari haqida o‘z fikrini bildirdi. Bu haqida Euro-football.ru xabar berdi.
"Manchester Yunayted"ning sobiq futbolchisi fikricha, "Krasnodar" Rossiya chempioni unvonini himoya qila olmaydi. Kanchelskisning ta’kidlashicha, "Krasnodar" yaxshi o‘yin namoyish etgan va "Zenit"ni mag‘lub etishga muvaffaq bo‘lgan bo‘lsa-da, bunday natijani yana bir bor takrorlashi qiyin.
Unga ko‘ra, "Krasnodar" joriy mavsumda chempion bo‘la olmaydi. Sababi, jamoada "Zenit"ga qaraganda futbolchilar soni kamroq va ularning imkoniyatlari ham pastroq.
Ma’lumot uchun, Premer-liga dastlabki ikki turida "Krasnodar" uch ochko jamg‘ardi. Murad Musayev boshchiligidagi jamoa safarda "Pari NN"ni 3:0 hisobida yengdi, biroq keyingi uchrashuvda o‘z maydonida "Lokomotiv"ga 1:2 hisobida mag‘lub bo‘ldi.
Navbatdagi, uchinchi turda "Krasnodar" o‘z maydonida "Dinamo"ga qarshi bahs olib boradi. Ushbu o‘yinni matnli translyatsiya orqali kuzatish mumkin.
