Manchester Yunayted klubi hali ham RB Leyptsig hujumchisi Benyamin Sheshkoni o‘z safiga qo‘shib olish umidini yo‘qotgani yo‘q. Bu haqida Euro-football.ru xabar berdi.
Avvalroq ma’lum bo‘lishicha, Germaniyaning RB Leyptsig klubi futbolchiga nisbatan Nyukasl klubi tomonidan bildirilgan taklifni rad etgan. Nyukasl Sheshko uchun bonuslarni hisobga olgan holda taxminan 80 million yevro to‘lashga tayyor edi.
Endilikda Manchester Yunayted ham ushbu futbolchini sotib olish imkoniyatini ko‘rib chiqmoqda. Sky Sports’ning xabariga ko‘ra, bugun Manchester Yunayted vakillari RB Leyptsig klubi bilan muzokaralar olib bormoqda.
Tomonlar Sheshkoni transfer qilish bo‘yicha klubning talablarini batafsil o‘rganmoqda. Muzokaralar yakuniga ko‘ra, Manchester Yunayted rasmiy taklif berish yoki bermaslik borasida qaror qabul qiladi.
Eslatib o‘tamiz, Benyamin Sheshko o‘tgan mavsumda RB Leyptsig safida 45 o‘yinda maydonga tushib, 21 ta gol urdi va olti marotaba hamjamiyatiga golli uzatma berdi. 22 yoshli hujumchi klubning asosiy futbolchilaridan biri hisoblanadi.
Uning yuqori natijalari Yevropa klublarining e’tiborini tortmoqda. Hozircha Sheshkoning qaysi klubda faoliyatini davom ettirishi noma’lumligicha qolmoqda.
