Fenerbahche Kerim Akturkoglu transferini yakunlash arafasida
Fenerbahche futbol klubi Portugaliyaning Benfika jamoasi futbolchisi Kerim Akturkoglu bilan shartnoma imzolash arafasida turibdi. Bu haqida Euro-football.ru xabar berdi.
Bu haqda ishonchli manbalar xabar bermoqda. Ma’lum qilinishicha, Fenerbahche klubi vakillaridan biri shaxsiy samolyotda Portugaliyaga borib, 26 yoshli yarim himoyachining transferi bo‘yicha kelishuvni rasmiylashtirishni rejalashtirmoqda.
Hozirda ushbu kelishuvning yakuniy tafsilotlari muhokama qilinmoqda. Kerim Akturkoglu Benfikaga o‘tishidan avval Turkiyaning bir necha klublarida, jumladan, Galatasaray safida ham to‘p surgan.
Shu sababli, Fenerbahche muxlislari orasida futbolchining jamoaga qo‘shilishidan so‘ng unga iliq munosabat bo‘lmasligi borasida xavotirlar mavjud. O‘tgan mavsumda Akturkoglu klub darajasida jami 59 o‘yinda ishtirok etib, 18 ta gol urgan va 16 ta golli uzatmani amalga oshirgan.
Shundan 6 ta o‘yin, 2 ta gol va 3 ta golli uzatma Galatasaray tarkibida qayd etilgan. Mutaxassislarning baholashicha, futbolchining transfer narxi hozirda 24 million yevroga teng.
