«Al Hilal» futbol klubi «Liverpul» hujumchisi Darvin Nunesga qiziqish bildirayotgani haqida xabarlar paydo bo‘ldi. Bu haqida Euro-football.ru xabar berdi.
The Athletic nashrining yozishicha, Saudiya Arabistonining ushbu jamoasi 26 yoshli Nunesni hujum chizig‘ini kuchaytirish uchun asosiy nomzod sifatida ko‘rib chiqmoqda. Manbaga ko‘ra, «Al Hilal» Nunesni o‘z tarkibiga qo‘shib olish uchun harakatlarni kuchaytirmoqda va transferni amalga oshirish ustida ish olib bormoqda.
Avvalroq, Nunesga Italiyaning «Milan» klubi ham qiziqish bildirgani haqida ma’lumotlar tarqalgan edi. Biroq, moliyaviy imkoniyatlar nuqtai nazaridan Saudiya Arabistoni klubi raqobatda ustunlikka ega bo‘lishi kutilmoqda.
Transfermarkt portali ma’lumotlariga ko‘ra, Darvin Nunesning transfer qiymati 45 million yevroga baholanmoqda. Hozircha futbolchining kelajagi borasida yakuniy qaror qabul qilinmagan, biroq «Al Hilal»ning bu yo‘nalishda faol harakat qilayotgani ta’kidlanmoqda.
Shu bilan, Nunesning qaysi klubda faoliyatini davom ettirishi tez orada aniqlik kiritilishi mumkin.
