Masalitin: Zenitga yon bosgan hakamlar natijaga ta’sir qildi
CSKA jamoasining faxriy futbolchisi Valeriy Masalitin o‘zining fikrlari bilan o‘rtoqlashdi. Bu haqida Euro-football.ru xabar berdi.
U Zenitga qarshi o‘yin natijasi haqida o‘z mulohazalarini bildirdi. Masalitinning so‘zlariga ko‘ra, Zenit hujumda ancha faol va agressiv harakat qildi.
CSKA futbolchilari esa o‘yin boshida markazda yaxshi harakat qilib, hujumlarni tashkil etishga urindi. Kislak, Oblyakov va Alves uchligi markazda faol bo‘ldi, biroq qanotlarda Glebov va Krugovoy yetarlicha samarali o‘ynay olmadi.
Allerrandro gol urgan bo‘lsa-da, ko‘plab xatolarga yo‘l qo‘ydi va o‘z o‘yinini hali topa olmadi. Shunday bo‘lsa ham, CSKA bu o‘yinda bir ochko qo‘lga kiritdi.
O‘yinda hisobni birinchi bo‘lib CSKA ochgani ko‘pchilik uchun kutilmagan bo‘ldi, chunki Zenit o‘yin boshida ko‘proq hujum qildi va to‘p nazoratini saqlab turdi. Shunga qaramay, mehmonlar o‘z imkoniyatlaridan unumli foydalandi.
Kislakda yana bir yaxshi imkoniyat bo‘lgan, agar u ham gol bo‘lganida, o‘yin natijasi butunlay boshqacha bo‘lishi mumkin edi. Krugovoyning Musaevga uzatmasi ham xavfli epizod bo‘ldi.
Zenit foydasiga belgilangan penaltiga kelganda, Masalitin bu qarorni tushunarsiz deb hisoblaydi va hakamlik borasida savollar borligini ta’kidladi. Uning aytishicha, hakam ko‘proq Zenit tomoniga yon bosgan, ba’zi vaziyatlarda Zenit futbolchilari kartochka olishi kerak edi, ammo hakam ogohlantirmagan.
CSKA futbolchisi Kislak esa hech kimni urmasdan to‘pga o‘ynaganiga qaramay, kartochka oldi. Bu esa hakamlikda jiddiy savollar borligini ko‘rsatadi.
Masalitin CSKA uchun mavsum boshlanishi silliq kechmayotganini ham aytdi. Jamoa hali to‘liq shakllanmagan, zahirada kuchli futbolchilar yo‘q.
Shunga qaramay, mag‘lubiyat bo‘lmagani ijobiy baholandi. Yagona muammo – jamoada bahor oylaridagi birlik yo‘qligi.
Jamoa o‘zaro aloqalarni yaxshilashi, ayniqsa himoya va markaziy chiziqda ko‘proq ishlashi kerak. Luchin maydonga yaxshi chiqdi, biroq Roshani ko‘rish imkoni bo‘lmadi.
Masalitin fikricha, jamoa tarkibini kuchaytirishi va yosh futbolchilarga ishonch berishi lozim.
