Joau Palinya Germaniyaning Bavariya jamoasidan Angliyaning Tottenxem klubi safiga ijara asosida o‘tdi. Bu haqida Euro-football.ru xabar berdi.
Klub rasmiy saytida 30 yoshli yarim himoyachining transferi haqida ma’lumot berildi. Ma’lum qilinishicha, portugaliyalik futbolchi ijara asosida Tottenxemga kelgan va kelajakda uni to‘liq sotib olish imkoniyati mavjud.
Transfermarkt ma’lumotiga ko‘ra, London klubi Palinyaning ijarasi uchun 5 million yevro to‘laydi. Shartnoma 2025-2026 yilgi mavsum oxirigacha mo‘ljallangan.
Joau Palinya avval ham Angliyada to‘p surgan. U 2022 yildan 2024 yilgacha Fulhem jamoasida o‘ynagan.
Keyin esa Bavariya klubi uni 51 million yevroga xarid qilgan edi. Palinya Germaniyada o‘tkazgan yagona mavsumida 25 ta o‘yinda maydonga tushdi, biroq gol yoki golli uzatma bilan ajralib tura olmadi.
Tajribali yarim himoyachi endilikda Tottenxem safida o‘zini ko‘rsatishga harakat qiladi. Klub va muxlislar undan katta umid qilmoqda.
