Mashhur braziliyalik himoyachi David Luis Kipr orolida to‘p surishi mumkinligi haqida ilgari ham xabar berilgandi. Bu haqida Euro-football.ru xabar berdi.
Endilikda bu ma’lumot rasmiy tarzda tasdiqlandi. Kipr klubi matbuot xizmati David Luisning o‘z safiga qo‘shilganini e’lon qildi.
So‘nggi yillarda u o‘z vatani Braziliyada o‘ynagan edi, endi esa yana Yevropa futboliga qaytmoqda. 2014 yilda tashkil etilgan Pafos klubi joriy yil may oyida ilk bor Kipr chempioni bo‘ldi.
Bu natija klubning ambitsiyalari yuqoriligidan dalolat beradi. David Luis esa o‘zining uzoq va boy futbolchilik faoliyati davomida Yevropaning bir qator mashhur jamoalarida to‘p surgan.
U Londonda joylashgan Arsenal va Chelsi klublarida, shuningdek, Portugaliyaning Benfika hamda Fransiyaning PSJ jamoalarida ham o‘ynagan. Endi esa tajribali himoyachi Kipr chempionati orqali o‘z faoliyatini davom ettiradi.
