Madridning “Real” jamoasi yarim himoyachisi Eduard Kamavinga hozirgi holatidan mamnun emas. Bu haqida Euro-football.ru xabar berdi.
Fransiyalik futbolchi o‘tgan mavsumda omadsiz o‘yin ko‘rsatdi. U ko‘plab jarohatlar tufayli maydonga tez-tez chiqa olmadi va sog‘lom bo‘lgan paytlarida ham asosiy tarkibdan joy ololmadi.
Ma’lum qilinishicha, 22 yoshli futbolchi navbatdagi mavsumda “Real”ning asosiy tarkibiga qaytishni o‘z oldiga maqsad qilib qo‘ygan. Kamavinga jarohatidan to‘liq sog‘aygan va yozgi ta’til vaqtida jismoniy holatini yaxshilash uchun ko‘p mehnat qilgan.
U yangi mavsumning dastlabki o‘yinlariga yaxshi tayyorgarlik bilan kirishishni rejalashtirmoqda. O‘tgan mavsumda Kamavinga “Real” safida barcha musobaqalarda jami 35 o‘yinda ishtirok etdi.
Shu davrda u ikki gol urdi va ikki marta golli uzatma amalga oshirdi. Futbolchi jamoaning kelgusi muvaffaqiyatlariga hissa qo‘shishga intilmoqda.
Kamavinga o‘z ustida ishlashda davom etmoqda va asosiy tarkibga qaytish uchun bor kuchini ishga solmoqda.
