«Spartak» hujumchisi Livay Garsiya Rossiya chempionatining uchinchi turida «Akron»ga qarshi bo‘lib o‘tgan uchrashuvdagi hakamlar faoliyati haqida izoh bermadi. Bu haqida Euro-football.ru xabar berdi.
Uchrashuv 1:1 hisobida yakunlandi. Ma’lumot uchun, birinchi bo‘lim oxirida «Spartak» himoyachisi Daniil Xlusevich ketma-ket ikki sariq kartochka olib, maydondan chetlatildi.
Shuningdek, «Akron» jamoasi foydasiga ikkita bahsli penaltidan zarba berildi. Livay Garsiya uchrashuvdan keyin bergan qisqa izohida doimo hakamlik haqida gapirish mumkinligini, ammo asosiysi futbol haqida so‘z yuritish zarurligini ta’kidladi.
U: «Biz o‘z kuchimiz bilan g‘alaba qozonishimiz kerak, hakamlik esa bizga bog‘liq emas. Yaxshisi, qizil kartochka olgan futbolchilar bu savollarga javob berishsin», – deya fikr bildirdi.
Eslatib o‘tamiz, «Spartak»ning navbatdagi raqibi Rossiya Premer-ligasida «Lokomotiv» bo‘ladi. Ushbu uchrashuv 10-avgust kuni o‘tkazilishi rejalashtirilgan.
