“Chelsi” futbol klubi himoyachisi Mark Kukurelya tez orada jamoa bilan yangi mehnat shartnomasi imzolashi kutilmoqda. Bu haqida Euro-football.ru xabar berdi.
Bu haqda bir necha manbalar xabar bermoqda. Ma’lumotlarga ko‘ra, 27 yoshli ispaniyalik futbolchi “Chelsi” bilan uzoq muddatli yangi shartnoma tuzishga tayyor.
Klub bosh murabbiyi Enso Mareska Kukurelyani o‘z loyihasining muhim futbolchisi sifatida ko‘radi. Shu sababli, joriy yoz mavsumida “Chelsi” rahbariyati futbolchini boshqa klublarga sotish bo‘yicha kelib tushgan bir nechta takliflarni rad etgan.
Mark Kukurelya 2022 yildan beri “Chelsi” safida harakat qilmoqda. O‘tgan mavsumda u barcha musobaqalarda jami 54 o‘yinda maydonga tushib, raqiblar darvozasiga yetti bor to‘p kiritgan va to‘rt marta golli uzatma amalga oshirgan.
Uning jamoada qolishi klub uchun katta ahamiyatga ega ekani ta’kidlanmoqda. Kukurelyaning yangi shartnoma imzolashi “Chelsi”ning yaqin kelajakdagi rejalarida ham muhim o‘rin tutadi.
