Rossiya va Iordaniya o‘yini 4 sentabr kuni Moskvada bo‘lib o‘tadi
Iordaniya terma jamoasining matbuot kotibi Ahmad al-Zaga Rossiyaga qarshi o‘rtoqlik o‘yini haqida o‘z fikrlarini bildirdi. Bu haqida Euro-football.ru xabar berdi.
Uning so‘zlariga ko‘ra, ushbu o‘yin Rossiya terma jamoasi bosh murabbiyining qarori asosida tashkil etilgan. O‘yin 4 sentabr kuni Moskvada bo‘lib o‘tadi.
Bunga sabab, aynan shu vaqtda Rossiya terma jamoasi o‘z mamlakatida tayyorgarlik yig‘inini o‘tkazayotgani bilan bog‘liq. Iordaniya terma jamoasi rasmiylari bu o‘yin jamoa uchun muhim tajriba bo‘lishini ta’kidlamoqda.
Aytish joizki, kelasi yil yozda Iordaniya terma jamoasi o‘z tarixida ilk bor Jahon chempionatida ishtirok etadi. Amerika Qo‘shma Shtatlari, Kanada va Meksika mezbonlik qiladigan bu musobaqaga Iordaniya jamoasi yoz boshida yo‘llanma oldi.
Shu bilan birga, Rossiya terma jamoasi so‘nggi uch yarim yildan buyon xalqaro rasmiy o‘yinlarda ishtirok etmayapti. Bunga sanksiyalar sabab bo‘lgan.
Shu bois, ushbu o‘rtoqlik o‘yini har ikki jamoa uchun ham muhim ahamiyatga ega. Mazkur uchrashuv ikki jamoa uchun ham tajriba almashish va o‘zaro hamkorlik imkoniyatini beradi.
