Bremer A Seriyada chempionlikka da’vogar to‘rt jamoani aytdi
Braziliyalik himoyachi Bremer, hozirda Turin shahri vakili bo‘lgan “Yuventus” jamoasida to‘p suradi. Bu haqida Euro-football.ru xabar berdi.
U Italiya chempionati – A Seriyaning yangi mavsumida skudetto uchun kurash olib boradigan jamoalar haqida o‘z fikrini bildirdi. Bremerning aytishicha, chempionlik uchun an’anaviy to‘rt jamoa asosiy raqobatchi bo‘lib qoladi.
Uning fikriga ko‘ra, o‘tgan mavsum chempion bo‘lgan “Napoli” yangi mavsumga yaxshi tayyorgarlik ko‘rdi va o‘z tarkibini mustahkamlashga muvaffaq bo‘ldi. Shuningdek, “Milan” va “Inter” jamoalari ham kuchli raqib sifatida saqlanib qolmoqda.
Bremer “Yuventus”ni ham asosiy da’vogarlar qatoriga qo‘shdi. Eslatib o‘tamiz, Italiya chempionatining yangi mavsumi 23-avgust kuni boshlanadi.
O‘tgan 2024/2025 yilgi mavsumda “Yuventus” A Seriya jadvalida to‘rtinchi o‘rinni egalladi. Shu tariqa, yangi mavsumda ham yuqori natijalar uchun kurash kuchli jamoalar o‘rtasida davom etishi kutilmoqda.
